Monday, March 8, 2021

ព័ត៌មាន

មន្ត្រី​​​រដ្ឋាភិ​បាល និងមន្ត្រី​​​​គ​ណ​​បក្ស​ប្រ​ឆាំ​ង​​ពិភាក្សា​ដេញ​ដោល​​​អំ​ពី​សម្បទា​ន​​​ដី​​​​​នៅ​រដ្ឋ​​​សភា

កាល​ពី​ម្សិល​មិញ លោក ​ច័ន្ទ​ សារុន រដ្ឋ​​​មន្ត្រី​ក្រសួង​​កសិ​កម្ម​​បា​ន​ច្រាន​ចោល​ កា​រ​​អ​ះ​អា​ងពី​ប្រជា​ពល​រដ្ឋ​​​ចំនួន​២០០​គ្រួសារ​នៅ​ក្នុ​ង​ខេត្ត​​កោះ​កុង ដែល​បាន​​ប្តឹង​ក្រុ​ម​​ហ៊ុន​ផលិត​ស្ករស ថេតអេនលីល(Tate & Lyle ​)របស់​អ​ង​់​គ្លេស​​ ពាក់​ព័ន្ធ​នឹង​​​ដី​​ ដែល​ពួ​ក​គេ​​ត្រូ​វ​បាន​​បណ្តេញចេញ​​​​ដោ​យ​ខុស​​​ច្បាប់​ដោ​យ​​អះអាង​ថា មា​ន​​តែ​​១៣គ្រួសារ​​ប៉ុណ្ណោះ​ក្នុ​ង​ចំ​ណោម​នោះ​ ​​​​នៅ​មាន​ជម្លោះ​​ជាមួ​យ​​ក្រុម​ហ៊ុន​ចម្ការ​​កៅ​ស៊ូ​ក្នុង​ស្រុ​ក​នៅ​ឡើ​យ។ ប្រជា​​ពល​រដ្ឋ២០០​គ្រួ​​សារ​នេះ​​​បា​ន​​​ដាក់​​ពាក្យ​​បណ្តឹ​ង​ប្តឹង​ក្រុ​ម​ហ៊ុនថេតអេនលីល ទៅ​​តុ​លា​ការ​យុត្តិ​ធម៌​​​ជាន់​ខ្ពស់​​នៅ​ក្នុង​ប្រទេ​ស​​អង់​គ្លេស​​ដើម្បី​​​ទា​​រ​សំ​ណង​​រាប់លាន​​កា​ល​ពី​ខែ​មុន ដោ​យ​ចោទ​​ថា ក្រុម​ហ៊ុន​នេះ​ទទួល​​ផល​​ពី​អំពៅ​ ដែល​ដាំ នៅលើ​​ដី​​ដោយ​មិន​ត្រឹម​ត្រូវ​ គឺ​ដី​​ដែល​​ពួ​ក​គាត់​​ត្រូវ​បាន​គេ​បណ្តេញ​ចេញ​​​​តាំ​ង​​ពី​ឆ្នាំ​​២០០៦ ជា​កា​រ​​ចោទប្រកាន់​​ដែល​ក្រុ​ម​ហ៊ុន​នេះ​​បា​ន​បដិ​សេធ។ ​​ក្នុ​ង​អ​ំ​ឡុ​ង​ការ​​ជ​ជែក​​​ពិ​ភាក្សា​​​​នៅ​​រដ្ឋ​សភា​អំ​​ពី​សេចក្តី​ព្រាង​ច្បាប់​ស្តី​ពី​​​សហ​គមន៍​កសិ​កម្ម​ លោក ច័ន្ទ សា​រុន...

អភិបាល​​​​​ខេត្តកំពង់ធំ​​​ថ្មី​សន្យា​​​ផ្ដល់ដី​​​​​ឲ្យ​អ្នក​​​ភូមិ​​​ជាង​​​៥០០​​​គ្រួសារ ដែល​​​ត្រូវ​​​​បាន​បណ្ដេញ​​​ចេញ​​​ពី​ដី​

កាល​​​ពី​​​ថ្ងៃ​​​អង្គារ អភិបាល​​​ខេត្ត​​​កំពង់ធំដែល​​​ទើប​​​តែង​​​តាំង​​​ថ្មីបាន​​​សន្យា​​​ចំពោះ​​​ប្រជា​​​​​​ពលរដ្ឋ​​​ជាង​​​៥០០​​​គ្រួសារ ដែល​​​ត្រូវ​​​បាន​​​ក្រុមហ៊ុន​​​ចម្ការ​​​កៅស៊ូ​​​វៀតណាម​បណ្ដេញ​​​ចេញ​​​ពី​លំនៅ​ដ្ឋាន​របស់​ខ្លួន​ដោយ​​​បង្ខំកាល​ពី​ជាង​​​បី​​​ឆ្នាំ​​​មុន​នោះ​ថា ​ពួក​គាត់​នឹង​​​ទទួល​​​បាន​​​ដីស្រែ​​​ជំនួស​​​វិញ​​​នៅ​​​ដើម​​​ខែ​​​​​​ក្រោយ​​​នេះ ។ កង​​​កម្លាំង​​​សន្តិសុខ បាន​​​បណ្ដេញ​​​​​​អ្នក​​​ភូមិ​​​ចេញ​​​ពីឃុំក្រយា​​​នៅក្នុង​ស្រុកសន្ទុក កាល​​​ពី​​​ខែ​​​ធ្នូ ឆ្នាំ២០០៩ដើម្បី​​​ទុក​ដី​នោះ​​​​ឲ្យក្រុមហ៊ុន​​​អភិវឌ្ឍន៍​​​ចម្ការ​​​កៅស៊ូ តាន់ បៀន (Tan Bien) នៅ​ខេត្ត​កំពង់ធំ ដែល​​​បាន​​​ទទួល​​​ដីសម្បទាន​​​ទំហំ៨.១០០ហិកតា​​​នៅ​​​ក្នុង​​​តំបន់​​​នេះ។​​​ គ្រួសារ​​​​​​ទាំង​​​​​​នេះ បាន​​​រស់​​​នៅ​​​លើ​​​ទី​តាំង​​​ថ្មី​​​មួយ ដែល​គ្មាន​​​ដី​​​ស្រែ​​​ចម្ងាយ​​​​ប្រហែល​​​ប្រាំគីឡូ​​​ម៉ែត្រ​​​អស់រយៈ​ពេលបី​​​ឆ្នាំ​មក​ហើយ​។ លោក​​​ អ៊ុត សំអន អភិបាល​​​ខេត្ត ដែល​​​បាន​​​ស្បថ​​​ចូល​​​កាន់​​​​​តំណែង​​​កាល​​​ពី​​​​​​ថ្ងៃ​​​ច័ន្ទ បាន​​​មាន​​​ប្រសាស​​​ន៍ថា នៅ​​​ពេល​​​នេះ គ្រួសារ​​​ទាំង​​​​​​នេះ​​​នឹង​​​ទទួល​​​បាន​​​ដីស្រែ​​​បន្ថែម​​​​ពី​​​១ ​​​ទៅ​​​១,៥​​​ហិកតាសម្រាប់​​​គ្រួសារ​​​នីមួយៗ​​​នៅ​​​ក្នុង​​​ទីតាំង​​​ដាច់​​​ដោយ​​​ឡែក​​​មួយ ដែល​​​ស្ថិត​​​នៅ​​​ក្បែរនោះ​។ លោកបាន​​​មាន​​​ប្រសាស​​​ន៍​​​ថា “នៅ​​​ដំណាច់​​​​​​ខែឧសភា ឬនៅ​​​ដើម​​​ខែមិថុនា ដី​​​ស្រែ​​​នេះ ​​​នឹង​​​​​​ប្រគល់​​​ឲ្យ​​​គ្រួសារ​​​ទាំង​​​នេះ”។ លោក អ៊ុត សំអន បាន​​​មាន​​​ប្រសាស​​​ន៍​​​បន្ថែម​​​ថា “...

តំណាង​រាស្ត្រ​គណបក្ស​ប្រ​ជាជន​កម្ពុជា​ស្នើសុំ​បង្កក​ប្រាក់​ខែ​របស់​តំណាង​រាស្ត្រ​គណបក្ស​សង្គ្រោះ​ជាតិ​

កាល​ពីម្សិល​មិញ លោក​ ជាម យៀប តំណាង​រាស្ត្រ​គណបក្ស​ប្រជា​ជន​កម្ពុជា​បាន​ផ្ញើ​លិខិត​មួយ​ច្បាប់​ជូ​នលោក​នាយក​រដ្ឋ​មន្ត្រី​ ហ៊ុន សែន​ និង​លោក ហេង សំរិន ប្រធាន​រដ្ឋ​សភា​ ដោយ​​​ស្នើសុំ​ឲ្យ​រដ្ឋា​ភិបាល​​បង្កក​ប្រាក់​ខែ​របស់​សមា​ជិក​តំណាង​រាស្ត្រ​មកពីគណបក្ស​សង្គ្រោះ​ជាតិ​ទាំង​អស់​ ដោយលោក​លើ​កហេតុផល​ថា គណបក្ស​ ដែល​ទើប​បង្កើត​ថ្មី​នេះ​មិន​ទាន់​បាន​​តែង​តាំង​​​សមាជិក​របស់​ខ្លួននៅ​ក្នុង​រដ្ឋសភា​​​ឲ្យស្រប​ច្បាប់​នោះទេ។ យោង​តាម​លោក ជាម យៀប បាន​ឲ្យ​ដឹង​ថា គណបក្ស​សង្គ្រោះ​ជាតិ​ ដែល​កើត​ឡើង​ដោយ​ការច្របាច់​បញ្ចូល​គ្នា​រវាង​គណ​បក្ស​ សម រង្ស៊ី និង​គណបក្ស​សិទិ្ធ​មនុស្សនោះ​ នៅ​តែមាន​ឈ្មោះ​ផ្លូវ​ការ​ក្នុង​រដ្ឋសភា ​ក្នុង​នាមជា​គណបក្ស​ចាស់​នៅ​ឡើយ​ ដូច្នេះ​ពួកគេ​មិន​គួរ​ទទួល​បាន​ប្រាក់​ខែ​ទេ។ ​លោក ជាម យៀប​ ​បាន​មាន​ប្រសាសន៍​ថា“ គណបក្ស​សង្គ្រោះ​ជាតិ​អត់​​មាន​នៅ​ក្នុង​រដ្ឋ​សភា​​ទេ”។​​​​​លោក​​បន្ថែម​ថា អាសនៈ​របស់​សមាជិកសភា​មកពី​គណបក្ស​សង្គ្រោះ​ជាតិ​នៅ​ក្នុង​សភា​ គួរ​តែ​ទុ​កឲ្យ​នៅ​ទំនេរ​រហូត​ដល់​ការបោះ​ឆ្នោត​រួច។ ​លោក ជាម យៀប...

មន្ត្រីអង្គការ​​​យូណេស្កូ​​​រិះគន់​​​អគារ​​​លក់ទំនិញ​​​ដែល​មាន​ពន្លឺ​ខ្លាំង​ពេក​នៅ​ក្នុង​អគារ​​​សម័យ​​​អាណានិគមបារាំង

កាល​​​ពី​​​ម្សិល​​​មិញ មន្ត្រី​​​ម្នាក់​​​នៅ​​​អង្គការ​​​យូណេស្កូ (UNESCO) បានរិះគន់​​​ម្ចាស់​​​អគារ​​​ប្រវត្តិសាស្ដ្រសម័យ​​​អាណានិ​​​គម​​​បារាំងមួយ​​​នៅ​​​ខណ្ឌ​​​ដូន​​​ពេញរាជធាន​​​ី​​​ភ្នំពេញ​​​ដែល​​​ត្រូវ​​​បាន​​​វាយ​​​កម្ទេច​​​ចោល​​​កាល​​​ពី​​​ឆ្នាំ​​​មុន​​​ ហើយ​​​ពេល​​​នេះ​​​ បាន​​​ក្លាយ​​​​ជា​ហាង​ផ្គត់​ផ្គង់​សម្ភារ​ការិយាល័យ​​​​ដែល​មាន​ពន្លឺ​​​​ក្រហម និង​​​ខៀវ​​​យ៉ាង​ខ្លាំង​។ ស្ថិត​​​នៅ​​​កាច់ជ្រុង​​​ផ្លូវ​​​លេខ​​​១០៨ និង​​​មហាវិថីព្រះនរោត្ដម ទី​​​តាំង​​​នេះ​​​​គឺ​​​ជា​​​អតីត​អគារមួយ​​​សាង​​​សង់​​​នៅ​​​សតវត្ស​​​រ៍ទី​​​១៩​​​ដែល​​​​ផ្នែក​ខាង​​​មុខ​​​​មានព៌ណ​​​លឿង និង​​​​មាន​​​ប៉ម​ប្លែក​​មួយ​។ កាលពី​​​មួយ​​​ឆ្នាំ​​​មុន កម្មករ​​​បាន​​​ចាប់​​​ផ្ដើម​​​វាយ​​​កម្ទេច​​​អគារ​​​​នេះ​ ហើយ​អ្នក​​​ស្រី​​​ កាំង ហ្គិចណៃ បាន​​​និយាយ​​​​នៅ​ពេល​នោះថា អ្នក​​​ស្រី​​​នឹង​​​សាង​សង់​អគារ​​ដូច​គ្នា​នេះ​ឡើង​​​វិញ​ ​ព្រោះ​​​​អគារ​​​ចាស់​​​នេះ​​ស្ថិត​ក្នុង​ស្ថានភាព​​ទ្រុឌ​ទ្រោម។ លោក​​​ស្រី អាន ឡើមេ៉ស (Anne Lemaistre)តំណាង​​​ប្រចាំប្រ​​​ទេស​​​របស់​​​អង្គការ​​​យូណេ​​​ស្កូបាន​​​រិះគន់​​​ម្ចាស់​​​អគារ​​​នេះ កាល​​​ពី​​​ម្សិល​​​មិញ ​​​ដោយ​​​មិនបាន​​​គោរព​​​តាមការ​​​សន្យា​​​របស់​​​​​​ខ្លួន​​​។ លោក​​​ស្រី អាន ឡើមេ៉ស  មាន​​​ប្រសាសន៍​​​​​​ថា “ ខ្ញុំ​​​គិត​​​ថា គាត់​​​បាន​​​​សន្យា​ដោយ​ខ្លួន​គាត់​សាង​​​សង់អគារ​​​ថ្មី​នេះ​ឲ្យ​ដូច​អគារ​​​ចាស់ ពេល​​​ ​​​យើង​​​​​​​មាន​ការ​ព្រួយ​បារម្ភ​ ​​​ពេលគាត់​​​​វាយ​​​អគារ​ចាស់នេះ​ចោល​ ​ប៉ុន្តែ​ក្រោយ​មក គាត់​​​បាន​​​ធ្វើ​​​ឲ្យ​មាន​បញ្ហា​កាន់​តែ​ធ្ងន់​ធ្ងរ​ឡើង​។​​​វាមិន​​​​​​ធ្វើ​​​ឲ្យទី​​​ក្រុង​​មាន​សោភ័ណភាព​នោះ​​​ទេ”។ ដោយ​​​មាន​ការ​​​ព្រួយ​​​បារម្ភ​​​ចំពោះ​​​កេរ​​​ដំណែល​​​វប្បធម៌​​​នៅ​​​រាជធានី​​​ភ្នំពេញ​​​លោក​​​ស្រីឡើមេ៉ស​​​​​​  មាន​​​ប្រសាសន៍​​​ថា តម្លៃ​​​ប្រ​​​វត្តិ​​​សាស្ដ្រ​​​​​​ របស់ទី​​​តាំង​​​នេះ បាន​​​បាត់​​​បង់​​​ទាំង​​​ស្រុង​​​។ “ ​​មួយ​​​ឆ្នាំក្រោយ​មក​ មិន​​​ត្រឹម​​​តែ​​​មិនសាង​​​សង់​​​​អគារ​ឲ្យ​ដូច​ដើម​...

រដ្ឋាភិបាល​បញ្ចេញ​​ខ្សែ​អាត់សំឡេងមេបក្ស​​ប្រ​ឆាំង​វាយ​ប្រហារ​​គ្នា​​

នៅ​ក្នុង​ការ​ប៉ុន​ប៉ង​ជា​ថ្មី​ម្តង​​ទៀត ​ដើម្បី បង្ខូចកេរ្តិ៍​ឈ្មោះ​របស់​គណ​បក្ស​ប្រ​ឆាំង កាល​ពី​ម្សិលមិញ​ រដ្ឋាភិបាល​បាន បញ្ចេញ​​ខ្សែ​អាត់​​​សំឡេង​​​​ទី២​របស់​មេដឹក​នាំគណ​បក្ស​សង្គ្រោះ​​ជាតិ​ដែល​ទើប​​បង្កើត​ឡើង​​នា​​ពេល​ថ្មី​ៗ​នេះ ប្រ​មាថ​គ្នា កាលពី​ពួកគេ​ដឹក​នាំ​គណ​បក្ស​ប្រ​ឆាំង​ប្រ​ជែង​គ្នា។ ខ្សែ​អាត់សំឡេង​​​រយៈ​ពេល​២២​នាទី​ ដែល​ដំបូង​ឡើយ​ត្រូវ​បាន​ចាក់ផ្សាយ​តាម​វិទ្យុ​បាយ័ន របស់លោកស្រី ហ៊ុន ម៉ាណា កូន​ស្រី​របស់​លោក ហ៊ុន សែន នេះមាន​​​ពាក្យ​សម្តី​​​របស់លោក សម រង្សុី ប្រធាន​​​គណបក្ស​​​​​សង្គ្រោះ​​​ជាតិ​​​ នា​​​ពេល​​​បច្ចុប្បន្ន ​និងលោក កឹម សុខា ដែល​​​ជា​​​អនុ​​​ប្រធាន ដែល​បាន​ថត​​​ចន្លោះ​​​ពី​​​ឆ្នាំ២០០៨​​​ដល់​​​ឆ្នាំ២០១២ ​នៅ​ពេល​​​​លោក សម រង្សុី ជា​​​ប្រធាន​​​គណ​​​បក្ស ​សម រង្សុី និងលោក កឹម សុខា ជាប្រធាន​​​គណ​​​បក្ស​​​សិទ្ធិ​​​មនុស្ស។លោក សត្យា រក្ស ម្ចាស់កម្ម​​​វិធី​​​វិទ្យុ​​​បាយ័នបាន​​​លើក​​​ឡើង​​​ថា ​ខ្សែ​អាត់​​​សំឡេង​​​ដែល​​​ត្រូវបានទី​​ស្តីការគណៈ​​​រដ្ឋ​​​មន្ត្រី​​​ផ្សព្វ​​​ផ្សាយ​​​កាល​​​ពី​​​ម្សិល​​​មិញ​​​នេះ គឺ​​​ជា​ខ្សែ​អាត់​​​ទី​​​២​ក្នុង​ចំណោម​ខ្សែ​អាត់​សំឡេង​​​ចំនួន​​​១០ដែល​​​នឹង​​​ត្រូវ​​​ចាក់​​​ផ្សាយ​ដើម្បី​​​​បង្ហាញថា គណ​​​បក្ស​​​សង្គ្រោះ​​​ជាតិបែក​​​បាក់សាមគ្គី​​​គ្នា​​​មុនការ​​​បោះ​​​ឆ្នោត​​​ជាតិ​​​ដែល​​​នឹង​​​ប្រ​​​ព្រឹត្ត​ទៅ​​​​នា​​​ខែ​​​កក្កដា​​​ខាង​​​មុខ​​​នេះ។ ខ្សែ​អាត់សំឡេង​​​​​​​ចាក់​ផ្សាយ​​កាល​​​ពី​​​ម្សិល​​​មិញ​េនះ​​គឺ​ជា​ពាក្យសម្តី​​​របស់​​​លោក សម ​រង្ស៊ីនិយាយ​អំពី​​​គណ​​​បក្ស​​​សិទ្ធិ​​​មនុស្ស អំឡុង​​​ពេល​​​ធ្វើ​​​យុទ្ធ​​​នាការឃោសនា​​​បោះ​ឆ្នោត​កាល​​​ពី​​​ឆ្នាំ២០០៨។ លោក សម រង្ស៊ី បានមាន​​​​​​ប្រ​​​សាសន៍​អំពី​​​គណ​​​​​​បក្សសិទ្ធិ​​​មនុស្ស​​​ថា “ វា​​​មិនមែន​​​ជា​​​គណ​​​បក្ស​​​ប្រ​​​ឆាំង​​​ពិតប្រាកដទេ ពីព្រោះ​​​​គណបក្ស​នេះ​​មានទំនាក់ទំនង​​​​ជា​មួយ​គណ​​​បក្ស​​​ប្រ​​​ជា​​​ជន​​​កម្ពុជា។​គណបក្ស​នេះ​បង្កើត​ឡើង​​ដើម្បី​​​តែ​​​បំបែក​​​លទ្ធិ​​​ប្រ​​​ជា​​​ធិបតេយ្យ​​​និង​​​គណ​​​បក្ស​​​ប្រ​​​ឆាំង​​​ពិត​​​ប្រាកដ​​​ប៉ុណ្ណោះ”។ ខ្សែ​អាត់សំឡេង​​​នេះ​​​ក៏​​​មាន​ពាក្យ​សម្តី​របស់​​ លោក កឹម សុខា មាន​​​ប្រសាសន៍​​​​ទៅ​​​កាន់​​​អ្នក​​​គាំទ្រ​​​គណ​​​បក្ស​​​សិទ្ធិ​​​មនុស្ស​​​នៅ​​​មុនការ​​​បោះ​​​ឆ្នោត​​​ឆ្នាំ២០០៨​​​ផងដែរ ដោយបាន​​​​មានប្រ​​​សាសន៍​​​ថា លោក សម រង្ស៊ី មាន​​​កំហុស​​​ច្រើន​​​ដូច​​​លោក ហ៊ុន សែន ដែរ។ លោក កឹម សុខា បាន​​​មាន​​​​​​ប្រ​​​សាសន៍​​​ថា“ គ្រប់​​​​អ្នក​​​នយោបាយ​​​ប្រ​​​ឆាំង​​​ទាំង​​​អស់​​​មិន​​​ធ្វើការបម្រើជាតិទេ។គាត់ ​ មិនអាច​​​កែ​​​​កំហុស​របស់​គាត់​​​​​បាន​​​ផង ធ្វើ​ម៉េច​​​​គាត់​​​ចង់​​​កែ​​​កំហុស​អ្នក​​​ដទៃ​​​​បាន​។​​​គាត់មិនមែ​​ន​ជា​​​នាយក​​​រដ្ឋ​​​មន្ត្រី​​ទេ​ ប៉ុន្តែ​​​ជា​​​ប្រ​ធាន​​គណ​​​បក្ស​​​របស់​​​គាត់ គាត់​​​ក៏​​​ចាស់ដែរ ហើយ​​​កាន់​​​មុខ​​​តំណែង​​​ដដែល​​​នេះ​​យូរហើយ”។ ​ខ្សែ​អាត់សំឡេង​​​នេះក៏​​​មានបញ្ចូល​​​បទ​​​​អត្ថា​​​ធិប្បាយហួស​សម័យ​​​​របស់​​​លោក ​ម៉ម ​សូណង់ដូ ​​​ម្ចាស់​​​ស្ថានីយ​​​វិទ្យុសម្បុកឃ្មុំ ជា​​​ស្ថានីយ​វិទ្យុ​​​ឯករាជ្យផងដែរ ហើយ​​​​ពីមុន​លោក​ធ្លាប់​​​បាន​​​រិះ​​​គន់​​​ការ​​​វាយ​បក​គ្នា​​​រវាង​​​គណ​​​បក្ស​​​ប្រ​​​ឆាំង​​​​។ នៅ​​​ក្នុង​ខ្សែ​​​​អាត់សំឡេង​​​នេះ ​លោក ​ម៉ម ​សូណង់ដូ ដែល​​​ត្រូវបាន​​​ដោះ​​​លែង​​កាល​​​​ពី​​​ដើម​​​ឆ្នាំ​​​នេះ បន្ទាប់​ពី​បាន​​​ជាប់​​​ពន្ធ​​​នាគារ​​​ពីបទ​​​ដឹក​​​នាំ​​​ចលនា​​​​បះបោរ​នៅ​​​ក្នុង​​​ខេត្ត​​​ក្រចេះ​​​នោះ​ លើក​​​ឡើង​​​ពី​​​លទ្ធភាព​ដែល​​​​ថា មេដឹក​​​នាំ​​​គណបក្ស​​​ប្រ​​​ឆាំង​​​ទាំង​​​ពីរ​​​ប្រហែល​​​ជា​​​ កំពុង​​​ធ្វើ​​​​​​ជាខ្វល់ខ្វាយ​​​​អំពី​​​​ប្រទេស​​​កម្ពុជា​ដើម្បី​​​​ផល​​​ប្រ​​​យោជន៍​​​ផ្ទាល់​​​ខ្លួន។ សំឡេងលោក ម៉ម សូណង់ដូ​​​ ត្រូវគេ​​​ថត​បាននៅ​​​ពេលលោក​​​មានប្រ​​​សាសន៍ថា “ ខ្ញុំ​មិនយល់ស្របចំពោះ​​​ការ​​​ដឹក​​​នាំ​​​របស់​​​លោក ​កឹម សុខា និងលោក សម រង្ស៊ី។ តើ​​​ពួកគាត់​កំពុង​​​ខំ​​​បោក​​​ប្រាស​​​សាធារណជន​​​ ឬដើម្បី​ជួយ​​​​ប្រ​​​ជាពលរដ្ឋ​​​ ឬក៏​​​គ្រាន់​​​តែ​​​ជួយ​​​ក្រុម​​​ខ្លួន​​?”។ លោក សត្យា រក្ស ម្ចាស់​​​កម្មវិធី​​​វិទ្យុ​​​បាយ័ន​​​​​​បានមានប្រសាសន៍តាម​​​ទូរស័ព្ទ​​​កាល​​​ពី​​​ម្សិល​មិញថា លោកមិនមែន​​​ចាក់​​​ផ្សាយ​​​ខ្សែអាត់​សំឡេង​​​នេះ​​​ ដើម្បីបម្រើ​ឲ្យផល​​​ប្រ​​​យោជន៍​​​របស់​​​គណ​​​បក្ស​​​ប្រ​​​ជា​​​ជន​​​កម្ពុជា​​​នោះ​​​ទេ ប៉ុន្តែ​ដោយសារតែលោក​​​ចង់​​លាត​​​ត្រដាងពី​​​ការ​ខ្វះ​​​ភាព​​​ស្មោះ​​​ត្រង់រវាង​​​លោក សម រង្ស៊ី និង​​​លោក កឹម​​ សុខា។ លោកបាន​មានប្រសាសន៍​​​ថា “ ខ្សែអាត់​សំឡេង​​​នេះ​​​មិនមែន​​ជា​​​របស់​​​គណ​​​បក្ស​​​ប្រ​​​ជា​​​ជន​​​កម្ពុជា​​​ទេ វា​​​ជា​​​របស់​​​ខ្ញុំ។ខ្ញុំ​​​ចង់​​​បង្ហាញ​​​ពី​ឥរិយាបថ​​​របស់គណ​​​បក្ស​​​ប្រឆាំង ​​​និង​​​ចរិត​​​របស់​​​បុរស​​​ទាំង​​​ពីរ​​​នេះ”។ លោក មឿន ឈានណារិទ្ធ នាយក​​​វិទ្យា​ស្ថានកម្ពុជាសម្រាប់ការ​​​សិក្សា​​​ផ្នែក​សារ​ព័ត៌​មាន​​​បានមានប្រ​​​សានស៍​​​ថា តាមពិត...

អ្នកមាន​បុណ្យស័ក្តិ​ធំ​ៗ និង​អ្នក​ជំនួញ​ស្ដុក​ស្ដម​្ភ​​​ចូល​​​រួម​​​បរិចា្ចគ​លុយដល់​កាក​បាទ​ក្រហម​កម្ពុជា​

នៅសល់​ជាងពីរខែ​ដល់ថ្ងៃ​​បោះឆ្នោត​ អ្នក​​នយោបាយ​ និង​អ្នក​ជំនួញ​ដែលមាន​ទ្រព្យ​សម្បត្តិ​ស្តុកស្តម្ភ​ បាន​ប្រមូល​ផ្តុំគ្នា​កាលពី​ម្សិលមិញ​​ នៅក្នុង​រាជធានី​ភ្នំពេញ​ ដើម្បី​ប្រារព្ធ​ទិវា​កាក​បាទ​ក្រហម​ពិភពលោក​ ដោយ​​បាន​ចូលរួម​ក្នុង​ការបរិច្ចាគប្រាក់​ ដែល​សរុប​មាន​ចំនួន​១៤លាន​ដុល្លារ​ សម្រាប់ផ្តល់ឲ្យ​កាក​បាទ​ក្រហម​កម្ពុជា​ ​ក្រោមការ​ចូលរួមជា​អធិបតី​ពី​លោក​នាយក​រដ្ឋ​មន្ត្រី​ហ៊ុន​ សែន​ និង​លោកស្រី​ ​ប៊ុន រ៉ានី។ នៅចំពោះមុខក្រុមនិស្សិតស្ម័គ្រចិត្ត​របស់​កាកបាទ​ក្រហម​កម្ពុជារាប់​ពាន់​នាក់​ នៅឯ​ទីស្នាក់ការ​កណ្តាល​របស់​​កាកបាទ​ក្រហម​កម្ពុជា​ អ្នកមានអំណាច​ជាច្រើន​ក្នុង​ប្រទេស​កម្ពុជា​ បានរង់ចាំ​អស់រយៈ​ពេល​ជិតពីរម៉ោង​ ដើម្បី​បរិច្ចាគប្រាក់​របស់ខ្លួន​ជូនលោកស្រី​ ប៊ុន រ៉ានី​ ដែលជាប្រធាន​កាកបាទក្រហម​កម្ពុជា និងលោក ហ៊ុន សែន​ ហើយបន្ទាប់​មក​ពួកគេ​បាន​ថត​រូប​ជាមួយ​លោក ហ៊ុន សែន និង​លោកស្រី ប៊ុន រ៉ានី​ និងស្តាប់ការប្រកាស​តាម​ឧគ្ឃោសន​សព្ទពីចំនួន​ទឹកប្រាក់​ ដែល​ពួកគេបាន​បរិច្ចាគ​។​ ទឹក​ប្រាក់​បរិច្ចាគមាន​ចំនួន​ច្រើនជាង​គេ​បំផុត គឺបានមក​ពីក្រុម​ហ៊ុន​ ប៊ូយ៉ុង​ គ្រុប​ (Boo-young Group) ជា​ក្រុម​ហ៊ុន​អភិវឌ្ឍន៍​អចលន​ទ្រព្យ​របស់ប្រទេស​កូរ៉េ​ ខាងត្បូង ដែល​បាន​បញ្ចុះ​បឋមសិលា​ នៅក្នុង​ខណ្ឌ​​សែន​សុខ​ កាលពីថ្ងៃ​អង្គារ​ សម្រាប់​គម្រោងសាងសង់​ក្រុង​រណប​មួយ...

ភ្ញៀវទេសចរបរទេសភាគ​​​ច្រើន​​​មកលេងប្រទេសកម្ពុជា ព្រោះចង់ព្យាបាល​ជំងឺមាត់ឆ្មេញ

អ្នក​ជំនាញ​ខាងសុខភាពមាត់ធ្មេញ​បាន​លើកឡើងកាលពីថ្ងៃ​ច័ន្ទថា​ ភ្ញៀវ​ទេស​ចរ​​​បរទេស ដែល​មកព្យាបាល​ជំងឺ​​​នៅ​ក្នុង​​​ប្រទេស ​កម្ពុជា​មានចំនួន​កាន់​តែ​ច្រើន​ឡើង​ៗ​​ ព្រោះ​​​សេវាព្យាបាល​ធ្មេញ​មានតម្លៃថោក។​ នៅពេល​ភ្ញៀវទេសចរ​ប្រហែល​​៣០០​នាក់​បានទៅចូលរួម​ក្នុងពិធីជប់លៀ​ង​មួយ​ ដែលមាន​​អាហារ​ប្រាំមុខ​ នៅ​ឯ​សណ្ឋា​គារ​សូហ្វីតែល ផូគីថរ៉ា ដែលរៀប​ចំដោយមន្ទី​រ​ពេទ្យ​​ទន្តសាស្ត្រ និងសម្ផស្ស​ រំចង់​ លោក​​​ទន្ត​បណ្ឌិត​ បាន​ពន្យល់​ប្រាប់ពី​​សារ​ប្រយោជ​ន៍នៃការ​ដាក់ធ្មេញ​​ ដើម្បី​បញ្ចុះ​បញ្ចូល​ភ្ញៀវទេសចរ​ទាំងនោះ​ឲ្យ​ជ្រើស​រើស​យក​ការព្យា​បាល​ធ្មេញ​ដែល​មាន​តម្លៃថោក​ ប៉ុន្តែ​ធានាគុណភាព​បាន​​យូរ​​​ដល់ធ្មេញ​​​ទើប​​​ដាក់​​​ថ្មី។​ លោក​ទន្តបណ្ឌិត ​ទិត ​ហុងយឺ​ ប្រធាន​​​មន្ទីរ​​​​ពេទ្យ​ទន្តសាស្ត្រ និងសម្ផស្ស​រំចង់​ បាន​មាន​ប្រសាសន៍​បន្ទាប់ពី​អាហារ​ពេលល្ងាច​ និង​​​ការ​​​​​សម្តែង​សៀកថា  “ការ​ដាំ​ធ្មេញ​មិន​ទាន់​​​ជាពេញនិយមទេ​ក្នុង​ពេល​ឥឡូវ​ ប៉ុន្តែដោយ​សារតែ​មានការ​រីក​ចម្រើន​ផ្នែក​សេដ្ឋកិច្ច​ និង ការ​យល់​កាន់​តែច្បាស់​​​អំពីសារប្រយោជន៍​​​នៃការ​ថែទាំ​សុខភាព​ ប្រជាពលរដ្ឋ​ខ្មែរ​បាន​​​ចាប់​ផ្តើម​ជ្រើស​រើ​ស​យកការព្យាបាល​ធ្មេញ​ដោយ​ដាំធ្មេញហើយ”។​ ប៉ុន្តែភ្ញៀវខ្លះនៅតែមាន​ភាព​ភ័យ​ខ្លាច​...

រដ្ឋសភា​​អនុម័ត​​ច្បាប់​បង្ការ​​​អគ្គិ​ភ័យ​ ដែល​អាចផ្តន្ទាទោសមន្ត្រីណាមិន​​បំពេញកាតព្វកិច្ច​ពន្លត់​ភ្លើង​

កាល​ពី​ម្សិល​មិញ ​រដ្ឋ​សភា​បា​ន​អនុម័ត​ច្បាប់ស្តី​ពី​​កា​រ​​បង្ការ​​​អគ្គិ​​ភ័យ​ ដែលនឹ​ង​ផ្តន្ទា​​ទោស​​​មន្ត្រី​​ពន្លត់​អគ្គិភ័យណា​ ដែល​មិន​​​​​បា​ន​​បំ​ពេញ​កា​តព្វ​កិច្ច​​របស់​ខ្លួនឲ្យបានល្អ ​នៅ​ពេល​ពន្លត់​ភ្លើង​ ហើយ​ក៏បាន​ធ្វើ​​វិ​សោធ​ន​កម្ម​ច្បាប់​មួ​យ ​ដែល​ផ្តល់​អ​ំ​ណាច​​ថែ​ម​ទៀ​ត​ ដល់​​អាជ្ញា​​​ធរ​មូល​ដ្ឋាន​ ក្នុងការ​ជ្រើស​រើស​​​បុគ្គ​លិក​​នៅ​តាម​មន្ទីរ​​ថ្នាក់ខេត្ត ​ឬ​ថ្នាក់ក្រុង។ ​កា​រ​​អនុ​ម័ត​ច្បាប់​ស្តី​​ពី​កា​រ​បង្ការ​​​អ​គ្គិ​ភ័យ​នេះ បា​ន​ធ្វើ​ឡើ​ង​បន្ទាប់​ពី​​មានគ្រោះ​អគ្គិភ័យ​​ធំៗ​មួ​យ​ចំ​នួន​​កា​ល​ពី​ឆ្នាំកន្លង​ទៅ ​រាប់​​ទាំង​​អ​គ្គិ​ភ័​យ​​មួ​យ ​ដែល​បានលេប​ត្រ​បាក់​ផ្សារ​​រាត្រី​​​ ពោរពេញដោយ​​មនុស្ស​ច្រើន​កុះ​ករ​នៅ​ក្នុង​ខេត្ត​សៀម​រាប ​កា​ល​ពី​ខែ​ធ្នូ​ ដោយ​បានធ្វើ​ឲ្យ​មនុស្ស​​ចំ​នួន​ប្រាំ​បី​នាក់​​ស្លាប់​។ ​​ដោ​យ​​មា​ន​ប្រាំ​បី​​ជំ​ពូ​ក និង​មា​ន​​៣៣​មាត្រាច្បាប់​ស្តី​ពី​​កា​រ​បង្ការ​អគ្គិ​ភ័​យនេះ​ ​​​ចែ​​ង​ពីកា​រ​​​​​ផ្ត​ន្ទា​​​ទោស​​ចំ​ពោ​ះ​មន្ត្រី​ណា ​​​ដែល​រារាំ​ង​ដំ​ណើរ​​ កា​រ​​ពន្លត់​​អគ្គិ​​ភ័យ​។ មា​ត្រា​២៧​​ ចែង​ថា មន្ត្រី​ណា​​ ដែល​មិន​ទទួល​ខុស​​ត្រូ​វ​​ចំ​ពោះ​​ភា​រកិច្ច​​​របស់​ខ្លួ​នឲ្យ​បា​ន​​ពេញ​លេញ​ ឬ​មិ​ន​អនុ​វត្ត​​ភា​រ​កិច្ច​​របស់​ខ្លួន​ឲ្យ​បា​ន​ត្រឹម​ត្រូ​វ​ នៅ​​ពេល​ពន្លត់​ភ្លើង” នឹង​ត្រូ​វ​​ផ្តន្ទា​​ទោស​​ដាក់ពន្ធ​នា​គារ​​ពី​ប្រាំ​មួ​យ​​ខែ​​ រហូត​ដល់​​ពីរ​ឆ្នាំ​ ហើយ​នឹង​ត្រូ​វ​​ ពិ​ន័យ​​ជា​​ប្រាក់​​​ចំនួន​​៤លា​ន​​រៀល​ ​ប្រហែល​​១.000 ដុល្លារ។ ចំណែក​មាត្រា​​២៨​​នៃ​ច្បាប់​នេះ​​​ចែ​ង​ថា “ ​សកម្មភាព​ណា​​ ដែល​រារាំ​ង​​ដល់​​សកម្ម​​ភាព​​ពន្លត់​អ​គ​្គិ​​ភ័យ​ និង​​បណ្តាលឲ្យ​​បាត់​បង់​ទ្រព្យ​​សម្បត្តិនឹង​ត្រូ​វ​ផ្តន្តា​​​ទោស​ដាក់​ពន្ធនាគារ​រយៈ​ពេល​​ពី​​ពីរ​​ខែ​ ដល់​​ប្រាំ​ឆ្នាំ​...

សាលា​ឧទ្ធរណ៍​តម្កល់​សាល​​​ក្រម​​​ដែល​សម្រេច​ឲ្យ​​​ក្រុ​ម​ហ៊ុ​ន​​របស់ភរិយា​​លោក​រដ្ឋ​​មន្ត្រី​ឈ្នះ​ក្តី​​

កា​ល​​ពី​ម្សិល​មិញ ​សាលា​ឧទ្ធរណ៍​​បា​ន​ត​ម្កល់​​សាល​ក្រម​​​របស់​​​សាលា​​ដំ​បូ​ង​​ខេត្ត​​កំ​ពង់​ឆ្នាំ​ង​​​ជុំវិញជម្លោះ​​​ដី​ធ្លី​មួយ​​ក្នុ​ង​ស្រុ​ក​កំ​​ពង់​ត្រ​ឡាច​ ​រវា​ង​​​ស្ត្រី​​​​​អា​យុ​​៧០​​ឆ្នាំ​ម្នាក់​ និ​ង​ក្រុ​ម​ហ៊ុន​​មួ​យ​​​​របស់​​ភរិ​យា​​​​​រដ្ឋ​មន្ត្រី​ក្រ​សួ​ង​ឧស្សា​ហក​ម្ម រ៉ែ និ​ង​​​​ថា​ម​​ពល ​​ពាក់​ព័ន្ធ​ដី​​​ទ​ំ​ហំ​​៣.០០០​​ម៉ែត្រ​​ក្រ​ឡា​។ ​​ក្នុង​ខែ​​ឧសភា ឆ្នាំ​​២០១២ ​សាលា​ដំ​បូ​ង​​ខេត្ត​​​​កំ​ពង់​ឆ្នាំង​​បា​ន​បង្គាប់​ឲ្យ​ ​ឈ្មោះ​ ចាត បា​ត់ ​ដែល​​ជាក​សិ​ករ​​ក្នុ​ង​​​ឃុំ​ តា​ជេស ​​ស្រុ​ក​កំ​​ពង់​ត្រ​ឡាចបង់​​ប្រាក់​សំណង​ជំងឺ​ចិត្ត​​ចំ​នួ​ន​​២.៥០០​ដុល្លារ​​​ឲ្យ​​ក្រុ​ម​ហ៊ុន​ KDC ​ជា​​ក្រុម​ហ៊ុ​ន​​អភិ​​វឌ្ឍ​ន៍​​​របស់​អ្នក​ស្រី​​ ជា​​ ខេង ​ភរិ​យា​​​លោក​ ស៊ុយ ​សែ​ម​។​ ​លោក ប៉ាក់ ​ចាន់​សំ​បូ​រ ចៅក្រម​ប្រធា​ន​ក្រុម​ប្រឹក្សា​ជំនុ​ំជម្រះ​របស់​​​សាលា​ឧទ្ធរណ៍​​​បា​ន​បញ្ជាក់​​កា​ល​ពី​ម្សិល​មិញ​​ថា ​សាល​ក្រម ​ដំ​បូង​...

ក្រុម​ហ៊ុន​របស់​​​ប្រទេស​​​កូរ៉េ​ខាង​ត្បូង​បើក​ការដ្ឋាន​សាង​សង់​ទីក្រុង​រណប​ដ៏​ធំមួយ ​​នៅ​​​រាជ​​​ធានី​​​ភ្នំពេញ

កាល​ពី​ម្សិល​មិញ​ ក្រុម​ហ៊ុន​ ប៊ូយ៉ុង​ គ្រុប​ (Booyoung Group)​ ដែល​ជា​ក្រុម​ហ៊ុន​មួយ​របស់​ប្រទេស​កូរ៉េ​ខាង​ត្បូង​បាន​បើក​ការ​ដ្ឋាន​សាង​សង់​ទី​ក្រុង​រណប​មួយ​ ដែល​មាន​ទំហំ​ទឹក​​​​ប្រាក់​វិនិយោគ​ចំនួន​១,១​ពាន់​លាន​ដុល្លារ​ នៅ​​​តាម​បណ្តោយ​មហា​វិថី​សហ​ព័ន្ធ​​​រុស្ស៊ី​ ក្នុង​ខណ្ឌ​សែន​សុខ​ ​ដែល​បើកការ​ដ្ឋាន​ធំ​​ទី២​នៅ​​រាជ​ធានី​ភ្នំ​ពេញ​​ក្នុង​រយៈ​ពេល​មួយ​ខែ​មក​នេះ​​​។ ទីក្រុង​រណប​ ដែល​ត្រូវ​ដាក់​ឈ្មោះ​ថា​ ​ក្រុង​ប៊ូយ៉ុង​១​ (Booyoung Town I)​​ នេះ ​ត្រូវ​សាង​​​​សង់​នៅ​លើ​ផ្ទៃ​ដី​ទំហំ​២៣,៥​ហិកតា​ក្នុង​សង្កាត់​ទឹក​ថ្លា។ លោក​ អឹុម​ ឈុនលឹម​ រដ្ឋ​មន្ត្រី​ក្រសួង​រៀប​​​​ចំ​ដែន​ដី​ បាន​លើក​ឡើង​​ក្នុង​សុន្ទរ​ក​​​ថា​ កាល​ពី​ម្សិល​មិញ​នៅ​ឯ​ពិធី​បើក​ការដ្ឋាន​សាង​សង់​នេះ​​ថា​...

MEDIA FEEDS

Popular

ពួកយោធាភូមា ដកខ្លួនពីការប្រជែងយកអាសនៈនៅអង្គការសហប្រជាជាតិខណៈក្រុមប្រឹក្សាសន្តិសុខបើកកិច្ចប្រជុំពីសេស

ទីបំផុតពួកយោធា បានសម្រេចបង់បោះចោលការប្រជែង យកតំណែង ឯកអគ្គរដ្ឋទូត ប្រចាំអង្គការសហប្រជាជាតិ ដោយសម្រេចដូរចិត្តឲ្យមន្រ្តីដែលខ្លួនបានតែងតាំងថ្មី លាលែងពីតំណែង ហើយរក្សា ឯកអគ្គរដ្ឋទូតចាស់ដែលត្រូវបានរដ្ឋាភិបាលយោធាបណ្ដេញចេញពីតំណែង នៅបន្តកាន់តំណែងជាតំណាងអចិន្ត្រៃយ៍របស់ភូមា ដដែល។ នេះបើតាមប្រភពពីអ្នកនាំពាក្យ អង្គការសហប្រជាជាតិ ចេញផ្សាយដោយសារព័ត៌មាន Channel News Asia  នៅព្រឹកថ្ងៃសុក្រ ទី០៥...