នាយក​រដ្ឋ​មន្ត្រី​ ហ៊ុន សែន ជំរុញឲ្យ​មាន​វិធាន​ការ​បង្កើន​មូល​និធិ​ជំនួយ​ហិរញ្ញវត្ថុ​ក្នុង​តំ​បន់

កាលពី​ថ្ងៃ​សុក្រ​ នាយក​រដ្ឋ​មន្ត្រី​ ហ៊ុនសែន​​បាន​ជំរុញ​ឲ្យ​ថ្នាក់​ដឹក​នាំ​សេដ្ឋ​កិច្ច​នៃ​សហ​គមន៍​អា​ស៊ាន ពិនិត្យ​គម្រោង​មួយ ​ដើម្បី​បង្កើនទ្វេដង​នូវ​មូល​និធិ​ជំនួយ​ហិរញ្ញវត្ថុដែលមូល​និធិ​នេះ​​មួយ​ចំ​នួន​ធំ​បាន​មកពីប្រ​ទេស​ចិនជប៉ុននិង​កូរេ៉ខាង​ត្បូងដើម្បី​ទប់​ស្កាត់​កុំឲ្យ​មាន​វិបត្តិហិរញ្ញ​វត្ថុ​​នាពេល​អនាគត​នៅ​ក្នុង​តំ​បន់។ នៅ​ពេល​បើក​​កិច្ច​ប្រ​ជុំ​រដ្ឋ​មន្ត្រី​​ហិរញ្ញ​វត្ថុ​អាស៊ាន​ក្នុង​រាជធានី​ភ្នំ​ពេញលោកហ៊ុនសែន​បាន​បង្ហាញ​ពី​ហានិភ័យ​​​នៃ​វិបត្តិ​ហិរញ្ញវត្ថុ​នា​ពេល​អនាគត ពីព្រោះ​​សេដ្ឋ​កិច្ច​ក្នុង​ប្រទេស​លោក​ខាង​លិច​នៅតែ​​មាន​កំណើន​សេដ្ឋ​កិច្ច​យឺតនៅ​​ឡើយ។ លោក​បាន​មាន​ប្រ​សាសន៍ថា​ ថ្វី​បើ​​កំណើន​សេដ្ឋ​កិច្ច​អា​ស៊ាន បាន​កើន​​ឡើង​៤,៣ភាគ​រយ​កាល​ពីឆ្នាំ​មុនក៏ដោយ ក៏នៅ​តែមាន​ការ​ព្រួយ​បារម្ភថា ការ​នាំទំនិញ​ចេញ​ទៅ​សហរដ្ឋ​អាមេ​រិក និង​ប្រទេស​​នៅ​​អឺរ៉ុប អាច​មាន​ការ​ធ្លាក់​ចុះដែរ។ លោកបាន​បន្ដ​ថា “ ខ្ញុំ​សូម​អំពាវ​នាវ​ឲ្យ​រដ្ឋ​មន្ត្រី​ក្រសួង​ហិរញ្ញ​វត្ថុ​អា​ស៊ានចាត់​វិធាន​​ការ​ជាបន្ទាន់​ដើម្បីពិភាក្សា​ជា​មួយ​នឹង​ធនាគារ​ពិភព​លោក​ ធនា​គារ​អភិវឌ្ឍន៍​អាសុី​និង​មូល​និធិ​រូបិយវត្ថុអន្តរជាតិ​​ដើម្បី​​រក្សា​ស្ថិរភាព​ក្នុង​​តំ​បន់និង​​ក្នុ​ង​ពិភព​លោក”។ ដើម្បី​កាត់​បន្ថយ​ហានិភ័យ​នៃវិបត្តិ​ហិរញ្ញ​វត្ថុ​ផ្សេង​​​ទៀតនោះ (ដែ​ល​នៅ​ក្នុងឆ្នាំ​២០០៩​​សេដ្ឋ​កិច្ច​​កម្ពុជា​ ក៏​បា​ន​ធ្លាក់​ចុះ​ផង​ដែ​រ) ​លោកហុ៊ន សែ​ន ​បា​ន​​មា​ន​ប្រ​សាសន៍​ថា​ ក្រុម​​អា​​ស៊ាន​បូក​​បី ដែល​​រួម​មានប្រទេស​​​ចិន ជ​ប៉ុន កូរ៉េខាង​​ត្បូ​ង ​និង​អា​ស៊ា​ន​ ​បា​ន​យល​់​ព្រម​ជា​​គោល​កា​រ​ណ៍​​កា​ល​ពី​ថ្ងៃ​ពុធ ​ក្នុង​កា​រ​​បង្កើនមូលនិធិ​នៅ​ក្នុង​មូលនិធិនៃ​គំនិត​ផ្តួច​ផ្តើម​ពហុភាគ​ីឈៀង​ម៉ៃ ​​។ ​កា​រ​ផ្តួចផ្តើ​ម​គ​ំ​និត​​នេះ គឺ​ជាយន្តកា​រ​​ដោះ​ដូរ​​រូ​បិ​​យ​​ប័ណ្ណ ​ដែល​​បា​ន​​​ប​ង្កើ​ត​ឡើ​ង​​កា​​​​ល​ពី​ឆ្នាំ​មុ​ន​ សម្រាប់ផ្តល់​​សាច់​ប្រាក់​​ទៅ​ឲ្យ​ប្រទេស​​​ដែ​ល​​ជួប​​វិបត្តិ​​ហ​ិរញ្ញ​វត្ថុ​​ ក្រោ​យ​ពេល​យន្ត​កា​រ​​​នេះ បា​ន​​បង្កើត​ឡើ​ង​​ក្នុង​​ឆ្នាំ​២០០០ ដើម្បី​​ទប់​ស្កាត់​កុំឲ្យ​វិបត្តិ​ហិរញ្ញវត្ថុ​អា​ស៊ី ​កើ​ត​ឡើ​ង​ម្ត​ង​ទៀ​ត​ដូច​ក្នុង​​ឆ្នាំ​​១៩៩៧។ កាលពី​ថ្ងៃពុធរដ្ឋមន្ត្រី​អាស៊ានបូកបី​បាន​លើក​សំណើ​បង្កើនមូលនិធិ​នេះពី​១២០​ពាន់លាន​ដុល្លារ​ទៅ​២៤០ពាន់លាន​ដុល្លារ​អាមេរិក។លោក​បា​ន​​មា​ន​​ប្រ​សាស​​ន៍​ថា “ កា​រ​បង្កើន​ទ្វេ​ដង​នូវ​មូល​និធិគំនិត​ផ្តួច​ផ្តើម​ពហុ​ភាគ​ីឈៀង​ម៉ៃ ​ពី​១២០ពា​​ន់លាន​ដុល្លា​រ​អា​មេរិ​ក ទៅ​​២៤០ពា​ន់​លាន​ដុល្លារ​អា​មេរិ​ក នេះ​គឺ​​ជា​ការ​ចាំ​​បាច់​​ក្នុង​​កា​រ​ផ្តល់​​សន្ទ​និយ​ភាពគ្រប់​គ្រាន់​ ជា​ព​ិ​សេស​​ក្នុង​​​ពេល​​មា​ន​​វិ​​បត្តិ​ហិរញ្ញវត្ថុ។  ខ្ញុំ​សូម​ជំរុញ​ឲ្យ​​មា​ន​កា​រ​​យក​ចិត្ត​​ទុក​ដាក់​ចំពោះ​​កា​រ​​បញ្ចប់​គំ​និត​ផ្តួច​ផ្តើ​ម​នេះ”។ សេចក្ដី​ថ្លែង​ការណ៍​រួម​មួយ​​ចេញ​នៅ​ចុង​បញ្ចប់​នៃ​​កិច្ចប្រ​ជុំ​កាល​ពី​ថ្ងៃ​សុក្រ​ដែល​មា​ន​លោក​ គាតឈន់រដ្ឋ​​មន្ត្រី​ក្រសួ​ង​ហិរញ្ញ​​វត្ថុ​​ជា​ប្រធាននោះបា​ន​​លើ​ក​ឡើ​ង​ថារដ្ឋ​មន្ត្រី​អា​សា៊ាន​ “ទន្ទឹង​រង់​ចាំ​មើល​កា​រ​​ពង្រឹង​មូល​និធិ​គំនិត​ផ្តួច​ផ្តើម​ពហុភាគ​ីឈៀង​ម៉ៃ នៅ​កិច្ច​​ប្រជុំ​​រដ្ឋ​​មន្ត្រី​​ក្រសួ​ង​ហិរញ្ញ​វត្ថុ អា​​ស៊ាន​​បូក​បី​ លើក​ក្រោ​យ​នៅ​​ខែឧសភា​ឆ្នាំ​២០១២”ក្នុង​ទីក្រុង​ម៉ានីល។ កម្ពុជា​គឺជា​ប្រទេ​ស​មួយ​ក្នុង​​ចំណោម​ប្រទេសតូចៗ ​ដែល​​ចូលរួម​ចំណែក​ក្នុង​មូល​​និធិ​នេះ ដោយបា​ន​​ផ្តល់​មូ​ល​និ​ធិ​​ចំនួន​១២០លា​ន​ដុល្លារចំណែក​​ប្រ​ទេស​ចិន​ និងជ​ប៉ុនបានផ្តល់​ចំនួន៣៨​ពាន់​លាន​ដុល្លារ​ដូចគ្នា​។ ​​នៅ​ពេល​មាន​​កា​របង្កើនទំហំ​​មូល​និធិ​នេះការិយា​ល័យ​ស្រាវជ្រាវ​​ម៉ាក្រូ​​សេដ្ឋ​ក​ិច្ច​អាស៊ាន​បូក​បី (AMRO) ជាអង្គការ​​សង្កេត​​កា​រ​ណ៍​ដែ​ល​មា​ន​មូល​ដ្ឋា​ន​​នៅ​ក្នុង​ប្រទេ​ស​សិង្ហបុរីត្រូវ​បា​ន​​បង្កើត​ឡើង​ស្របគ្នា​ជា​​មួយ​នឹ​ង​ម​ូល​និធិ​ជំនួយ​ហិរញ្ញ​វត្ថុ​នេះ​ដែរ ដើម្បី​​​បង្ការ​​​វិ​បត្តិ​​ហិរញ្ញវត្ថុ​​​។ លោកភិតធើប្រ៊ីមបល (Peter Bri mble) សេដ្ឋ​​វិទូ​ជាន់ខ្ពស់​​ប្រ​ចាំ​ប្រ​ទេ​ស​របស់ADB បា​ន​មា​នប្រ​សាសន៍ថាប្រទេសកម្ពុជា​ ទំនង​ជា​នឹងមិន​ត្រូ​វ​កា​រប្រាក់​ពី​មូ​ល​​និធិនេះ​​នា​ពេល​ឆាប់​ៗនេះទេ។ លោកបា​​ន​មា​ន​ប្រ​សាសន៍​ថា “ នៅ​ពេល​នេះ​ ស្ថានភាពម៉ាក្រូ​​សេដ្ឋ​ក​ិច្ច​របស់​​ប្រទេស​​កម្ពុជា​​នៅ​​មា​ន​​ស្ថិរភាព​​ល្អ ហើយ​ប្រឈម​​នឹង​​ទី​ផ្សារ​អន្តរជាត​ិ​តិច​ជា​​ង​ប្រទេស​​​ថៃ និង​ឥណ្ឌូណេស៊ី”។ ទោះជាយ៉ាងណា​ លោកបា​ន​មា​ន​ប្រ​សា​សន៍​ថា ហិរញ្ញវត្ថុ​​រ​បស់​រដ្ឋា​ភិបា​ល​កម្ពុជា​អាចជួប​នឹង​ហា​និភ័យដោយ​សារ​គម្រោង​ធំៗដូចជាគម្រោ​ង​​សាងសង់​ទំនប់​វារី​អគ្គិសនីដែ​ល​អា​​ចមា​ន​​ហានិ​ភ័យ​ប្រសិន​បើ​ពុំ​មា​ន​ការ​បង្វិល​សាច់​ប្រាក់​គ្រប់​គ្រាន់​ទេនោះ។ លោកអិុន​ ចាន់នីប្រធា​នធនា​គា​រ​អេសីុ​លីដា បា​ន​មាន​ប្រ​សាស​​ន៍​ថា មូល​​និធិ​ជំនួយ​ហិរញ្ញវត្ថុ​នេះនឹង​​ដើរ​តួរជា​​បណ្តាញ​​សុវត្ថិភា​ព​ល្អ ខណៈ​ពេល​​​ប្រទេស​​កម្ពុជា​ កំពុងធ្វើ​សមា​ហរណ​កម្មចូល​ក្នុង​ទី​ផ្សា​​រ​ហិរញ្ញ​វត្ថុ​អន្តរជាតិ។ លោកបា​ន​មាន​​ប្រ​សាសន៍​ថា​ “ ដោ​យ​មា​ន​​កា​រ​បង្កើត​ទីផ្សារភាគ​ហ៊ុន  យើង​ក្លាយ​ជា​ផ្នែកមួយ​នៃ​ទី​ផ្សារ​ហិរញ្ញវត្ថុ​ និង​ទីផ្សារទុន​”។ លោកបា​ន​បន្ថែមថា “ កម្ពុជា​​នឹង​មា​ន​បទ​ពិ​សោធន៍ថែម​ទៀតលើទីផ្សារអន្តរជាតិ​។​វិបត្តិ​សន្ទនិយភាព​បា​ន​កើត​ឡើង​រួចហើយ​នៅ​​អឺរ៉ុប​ ​​ដូច្នេះនេះគឺជា​គំនិតផ្តួចផ្តើមដ៏ល្អ​បំផុត”៕ ប្រែ​សម្រួល​ដោយ ហមសុផាណ្ណា​​​​​​

អាជ្ញាធររារាំងក្រុមអ្នកភូមិមិនឲ្យផ្ញើញតិ្តទៅលោក ហ៊ូ ជីនថាវ

គ្រាន់តែប៉ុន្មានម៉ោងប៉ុណ្ណោះ​មុន​លោក​ប្រធានាធិបតី ហ៊ូ ជីនថាវ បាន​មក​ដល់​រាជ​ធានី​ភ្នំពេញ​កាលពីថ្ងៃសុក្រនោះ អ្នកភូមិ​មួយក្រុមមកពីខេត្ត​កោះកុង​ ដែលដីធ្លីរបស់​ពួកគាត់​កំពុងទទួលរងការ​គំរាម​កំហែង​ពីគម្រោងអភិវឌ្ឍន៍វិស័យ​ទេស​ចរណ៍​របស់​ក្រុមហ៊ុនចិន​ដ៏ធំនោះ ត្រូវបាន​អាជ្ញាធរ​ចាប់​រុញបញ្ចូលក្នុង​រថយន្តក្រុងទាំងបង្ខំ​ ហើយដឹក​ពួកគាត់ត្រឡប់ទៅផ្ទះសម្បែងវិញដោយ​មិន​ឲ្យពួកគាត់​ដាក់ញត្តិដល់ស្ថាន​ទូត​ចិនបានឡើយ។   អ្នកភូមិ និង​មន្ត្រីមានសមត្ថកិច្ច បាន​និយាយ​ថានគរបាលនិងមន្ត្រី​កងរាជអាវុធហត្ថមួយ​ក្រុមមានគ្នា១៥នាក់ ​បាន​ឈរនៅខាងក្រៅ​ផ្ទះសំណាក់​អេ៥ ក្នុង​ខណ្ឌទួលគោករាជធានី​ភ្នំពេញ កាលពី​ព្រឹកព្រលឹម ហើយ​បាន​រា​រាំង​អ្នកភូមិ​ចំនួន​៣៣នាក់​ មិន​ឲ្យ​ធ្វើដំណើរ​ទៅ​កាន់​ស្ថានទូត​ចិន​ ដែលស្ថិតនៅតាម​មហាវិថីម៉ៅសេទុង​។ ការបណ្តេញអ្នកភូមិចេញនេះ​កើតមាន​ឡើង​នៅមុនកិច្ច​ប្រជុំកំពូល​អាស៊ាន​ ដែល​គ្រោងធ្វើឡើង​នៅសប្តាហ៍ក្រោយនេះក្នុង​រាជ​ធានីភ្នំពេញ ហើយ​បាន​បញ្ជូន​សញ្ញា​ព្រមាន​ដល់អ្នកតវ៉ា ឬសកម្មជន​មួយក្រុម​ដែល​​សង្ឃឹមចង់ប្រើប្រាស់​វត្តមានរបស់​ថ្នាក់​ដឹកនាំក្នុងតំបន់ឲ្យបាន​ដឹងពីកង្វល់របស់ខ្លួន។ ក្រុមអ្នកភូមិដែលត្រូវបាននគរបាល​ចាប់​​រុញបញ្ចូលក្នុង​រថយន្តនោះ ស្ថិតក្នុងចំណោម​អ្នកភូមិប្រមាណ​១.១០០គ្រួសារ​នៅក្នុង​ស្រុកគិរីសាគរ និងស្រុកបទុមសាគរ​ ខេត្ត​កោះកុង​ ដែល​ផ្ទះសម្បែងរបស់​ពួកគាត់​ត្រូវបាន​រងផល​ប៉ះពាល់​ដោយសារ​គម្រោង​អភិវឌ្ឍន៍ វិស័យ​ទេសចរណ៍ ដែលមានទឹក​ប្រាក់​​​៣,៨ពាន់លានដុល្លារ របស់​ក្រុមហ៊ុន​យូឌីជី (UDG) ​លើ​ផ្ទៃដីទំហំ​៣៦.០០០​ហិកតា​​ដោយលាតសន្ធឹង​តាម​ប្រជុំ​កោះស្តេច​។ អ្នកភូមិ១៩៣គ្រួសារបន្តរស់​នៅតាម​បណ្តោយឆ្នេរ ហើយបានបដិសេធមិន​ព្រម​រើលំនៅដ្ឋានចេញ ហើយ​អ្នកតំណាង​របស់​គ្រួសារ​ទាំងនោះ​ បាន​ធ្វើដំណើរ​មក​កាន់​រាជ​ធានីភ្នំពេញ ​កាលពីថ្ងៃព្រហស្បតិ៍ ដោយ​មាន​​គោលបំណង​ចង់ប្រគល់​ញត្តិ​ទៅ​ស្ថាន​ទូត​ចិន​ ដើម្បី​ស្វែងរក​ជំនួយ​ពី​លោក ហ៊ូ ជីនថាវ ពេលម​កបំពេញ​ទស្សនកិច្ច​នៅក្នុង​ប្រទេស​កម្ពុជា។ លោកប្រធានាធិបតីចិនរូបនេះ​​គ្រោង​ស្នាក់​នៅក្នុង​រាជធានីភ្នំពេញ​រហូតដល់​ថ្ងៃច័ន្ទ ហើយ​មាន​គម្រោងចូលគាល់​ព្រះមហា​ក្សត្រ​ នរោត្តម សីហមុនី ចូលជួប​លោកនាយក​រដ្ឋ​មន្ត្រី  ហ៊ុន សែន លោក ហេង សំរិនប្រធាន​រដ្ឋ​សភា និង​លោក ជា ស៊ីម ប្រធាន​ព្រឹទ្ធសភា។ លោករំពឹង​ថានឹង​ចុះហត្ថលេខា​លើ​កិច្ច​ព្រមព្រៀងមួយ​ចំនួន​ជាមួយ​កម្ពុជា​​ស្តីពី​គម្រោង ដែល​មិន​ទាន់​ត្រូវបាន​ប្រកាស​ឲ្យ​ដឹង​នៅឡើយទេ។អ្នកស្រី មឿន អាន អាយុ​៥២ឆ្នាំ តំណាង​​​ឲ្យអ្នកភូមិ​ ដែល​កំពុង​តស៊ូការពារ​ផ្ទះ​សម្បែង​ខ្លួន​បាន​និយាយថា អាជ្ញាធរ​បាន​ប្រាប់​ពួកគាត់​ថា ការព្យាយាម​ទៅកាន់​ស្ថាន​ទូត​ចិន នៅ​​ពេល​នេះ ត្រូវចាត់​ទុកជា​ទង្វើខុស​ច្បាប់​។ អ្នកស្រីអានបាននិយាយថា“ អាជ្ញាធរ​ឃាត់ខ្ញុំទុកនៅកន្លែងទទួលភ្ញៀវរបស់​ផ្ទះ​សំណាក់​ ហើយបាន​ប្រាប់​ពួកយើងថាយើង​មិន​អាច​ចាកចេញ​ពីផ្ទះសំណាក់​នេះ​បានទេ​ លុះណា​ពួកយើង​បាន​យល់​ព្រម​ត្រឡប់​ទៅ​ខេត្ត​របស់​ខ្លួនវិញ”។ លោក ស៊ុន តារា អភិបាល​រង​ខេត្ត​កោះកុង​បាន​មកដល់​ផ្ទះសំណាក់​នេះ នៅវេលាព្រឹក​ព្រលឹម ដើម្បី​ប្រាប់​ក្រុមអ្នក​ភូមិថា ពួកគាត់​ត្រូវ​តែ​ចាកចេញ​ពី​រាជ​ធានី​ភ្នំពេញ ហើយ​រង់ចាំដោះស្រាយ​បញ្ហានេះ​ជាមួយ​ក្រុម​អាជ្ញាធរ​មូលដ្ឋាននៅ​ក្នុង​ខេត្ត​កោះកុងវិញ។ អ្នកស្រី​បាន​បន្ថែមថា “ លោកអភិបាលរង​រូបនេះ​បាន​អះអាង​ថា គម្រោង​ដង្ហែក្បួន​​ដើម្បីទៅដាក់​ញត្តិនោះ គឺ​ខុស​ច្បាប់​ និង​នាំឲ្យ​ប៉ះពាល់​ដល់​សន្តិសុខ​ និង​កេរ្តិ៍ឈ្មោះ​ប្រទេស​កម្ពុជា​ក្នុង​ឋានៈជា​ប្រធានអាស៊ាននៅឆ្នាំនេះ”។ ដោយត្រូវបាន​ទាក់​ទង​កាលពីថ្ងៃសុក្រលោកស៊ុនតារាបាន​អះអាង​ថាលោក​ពិត​ជា​​បាន​ប្រាប់​ក្រុមអ្នកភូមិ​ឲ្យវិល​ត្រឡប់់​ទៅ​ខេត្ត​កោះកុង​វិញមែន  បន្ទាប់​ពីអាជ្ញាធររាជធានី​ភ្នំពេញ​បានជូនដំណឹងដល់លោក​ថាអ្នកភូមិ​មកពី​ខេត្ត​របស់​លោក បាន​មកដល់​រាជ​ធានី​ភ្នំពេញ​ ដើម្បី​ដាក់​ញត្តិ​នៅ​ស្ថានទូត​ចិន។ លោកបាន​មាន​ប្រសាសន៍ថា “ ខ្ញុំមិន​បាន​បង្ខំ ឬបំភិតបំភ័យអ្នកភូមិ​ឲ្យ​ឡើង​រថយន្ត​ក្រុង​ទេ​។ខ្ញុំគ្រាន់តែពន្យល់​ប្រាប់​ពួកគាត់​ថាយើង​គួរ​ដោះស្រាយ​បញ្ហានេះ​នៅ​ក្នុង​ខេត្ត​វិញ ជាពិសេស​ការ​ដើរក្បួនរបស់​ពួកគាត់​ទៅកាន់​ស្ថានទូត​ចិន នឹង​បង្កឲ្យមាន​បញ្ហា​ផ្នែក​សណ្តាប់​ធ្នាប់​ និង​បញ្ហាសន្តិសុខ​ដល់​ដំណើរទស្សនកិច្ច​របស់​លោកហ៊ូជីនថាវ”។ មុនពេល​ត្រូវ​បាន​បណ្តេញចេញ​ពីផ្ទះ​សម្បែង​របស់​ខ្លួននោះ អ្នកភូមិ​ក្នុង​ខេត្ត​កោះកុង កំពុង​តែរស់​យ៉ាងសុខសាន្ត នៅ​តាម​​បណ្តោយ​ឆ្នេរ​​សមុទ្រដ៏ស្រស់ស្អាត​ និង​សម្បូរ​ទៅដោយ​ព្រៃកោងកាង​នៅក្នុង​ឧទ្យាន​ជាតិបទុមសាគរ​​ ដែលមានផ្ទៃដី​ទំហំ​១៧១.២៥០ហិកតា​។ ភូមិនេសាទ​តូចៗហ៊ុមព័ទ្ធដោយ​ដើម​ស្វាយដើមដូង​ និង​ដើម​ស្វាយ​ចន្ទី​នោះ​ បាន​ជួយ​ចិញ្ចឹម​អ្នក​ភូមិ​ និង​ផ្តល់​នូវ​ប្រភព​ប្រាក់​ចំណូល​ដល់​ពួកគាត់​ទៀត​ផង។ ប៉ុន្តែ​នៅពេល​សហគមន៍នេសាទ​ជួប​នឹង​បញ្ហា ឥឡូវនេះ​អ្នកភូមិ​ត្រូវ​ធ្វើដំណើរ​តាម​ម៉ូតូ​រាប់​ម៉ោង​ទៅ​ទិញ​ស្បៀង​អាហារ​ និង​ប្រេង​សាំង​ ដោយសារ​ផ្ទះ​សម្បែង​របស់​ពួកគាត់​ត្រូវបាន​ផ្លាស់​ឲ្យ​ទៅនៅ​ចម្ងាយប្រហែល​​២០​គីឡូ​ម៉ែត្រ​នៅ​លើ​ដីដែល​គ្មាន​ជីជាតិ៕         ប្រែសម្រួល​ដោយ សោមសារុន  

ម្ចាស់​សណ្ឋាគារ​ ផ្អាក​វេទិកា​ប្រជាពល​រដ្ឋ​​អាស៊ាន​ ​​មិនឲ្យ​​ បន្ដ​ ដោយ​សារ​រឿង​នយោបាយ

អ្នក​រៀប​ចំ​កម្ម​វិធី​ បាន​មាន​ប្រសាសន៍​ថាសិក្ខា​សាលា​ចំនួន​បួន​នៅ​ក្នុង​វេទិកា​ប្រជា​ពល​រដ្ឋ​​អាស៊ាន ដែលផ្តោត​លើ​បញ្ហា​បន្ទាន់​នានា​ ដូច​ជា សិទ្ធិ​ដី​ធ្លី​ និង​ព្រឹត្តិការណ៍​​​​នៅ​ក្នុង​​ប្រទេស​ភូមា ត្រូវ​បាន​រារាំង​ដោយ​ម្ចាស់​សណ្ឋាគារ ដែល​ជា​កន្លែង​រៀប​ចំ​​វេទិកា​អាស៊ាននេះកាល​ពី​ថ្ងៃ​សុក្រព្រោះ​គេ​គិត​ថាវេទិកា​នេះ​រសើប​ផ្នែក​​នយោ​បាយណាស់​​។ ក្នុង​ចំណោម​សិក្ខាសាលា​ទាំង​​២៥​ ដែល​គ្រោង​​ធ្វើ​ឡើងនៅ​ក្នុង​វេទិកា​រយៈពេល​​បី​ថ្ងៃ​​ ហើយ​​ដែល​នឹង​បញ្ចប់​នៅ​ថ្ងៃ​សៅរ៍​ ​កិច្ច​ប្រជំុ​នេះស្ដី​​អំពី​សិទ្ធិ​ដី​ធ្លី​ ការ​បណ្តេញ​ប្រជា​ជន​ចេញ​ពី​ដី​ធ្លីបញ្ហា​បរិស្ថាន​ និង​ព្រឹត្តិការណ៍​ថ្មីៗក្នុង​ប្រទេស​ភូមា ត្រូវ​បាន​​ម្ចាស់​សណ្ឋា​គារ​ ​ឡាក់គីស្តារ នៅ​ខណ្ឌ​ទួល​គោក ចាត់ទុកថា​ មាន​ភាពចម្រូង​ចម្រាសណាស់​។ លោក​ស្រីធីតាឃិះនាយិការ​​អង្គការ​សិទ្ធិ​មនុស្សក្នុង​ស្រុកសីលការ និង​ជា​ប្រធាន​គណៈកម្មាធិការ​រៀបចំ​ផែន​ការ​សម្រាប់​វេទិកា​នេះ​ បាន​មាន​ប្រសាសន៍ថា “ ម្ចាស់សណ្ឋាគារ​​បាន​លើក​ឡើង​ថា វេទិកានេះ​ពាក់​ព័ន្ធ​ទៅ​នឹង​រឿង​នយោ​បាយ​ ហើយពួក​​គេ​មិន​ចង់​ឲ្យ​មាន​ការ​ពិភាក្សា​ពី​​បញ្ហា​នេះនៅ​​ក្នុង​សណ្ឋាគារ​​របស់​គេ​​ទេ។ ម្ចាស់​សណ្ឋាគារ​ និយាយថាបញ្ហា​នេះ​គឺ​សម្រាប់​ថ្នាក់​ដឹក​នាំ​ប្រទេស​ជា​អ្នក​ដោះ​ស្រាយ​ មិន​មែន​សម្រាប់​យើង​ជា​អ្នក​ដោះ​ស្រាយ​នោះទេ”។ លោក​ស្រីធីតា​ ឃិះ​ បាន​មាន​ប្រសាសន៍​បន្ត​ថា បុគ្គលិក​នៅ​ក្នុង​សណ្ឋា​គារនេះ​ បាន​ប្រាប់​គាត់​ថា ពួក​គេ​ ទទួល​រង​សម្ពាធ​ពី​អាជ្ញាធរមូល​ដ្ឋាន​ ឲ្យ​បិទ​សិក្ខា​សាលា​ទាំង​នេះ។ វេទិកានេះមិន​ត្រូវ​បាន​រដ្ឋាភិបាល​ទទួល​ស្គាល់ទេ ផ្ទុយ​ទៅ​វិញ​រដ្ឋាភិបាល​អនុញ្ញាត​ឲ្យ​មាន​ការ​រៀប​ចំ​វេទិកាមួយ ​ដែល​មាន​ឈ្មោះ​ដូចគ្នានេះ​នៅ​សាល​សន្និសីទ​ចតុមុខ ដែល​មន្ត្រី​រដ្ឋា​ភិបាលបាន​ ឧបត្ថម្ភ​​និង​ចូល​រួមទៀត​ផង​ មុនកិច្ច​ប្រជំុ​កំពូល​អា​ស៊ាន​នៅ​សប្តាហ៍​ក្រោយ។ លោក​ស្រីប្រាញចិន្តាម្ចាស់​សណ្ឋាគារ​ ឡាក់គីស្តារ បាន​បដិសេធ​ថា អាជ្ញាធរ​មិនបាន​បង្ខំ​ឲ្យ​គាត់​បិទ​​សិក្ខា​សាលា​​ពាក់​ព័ន្ធ​​នឹង​នយោ​បាយនេះទេ ដោយ​អះអាង​ផ្ទុយពី​នេះថា វា​មានបញ្ហា​ក្នុង​ការ​ផ្តល់​ម្ហូប​អាហារ​ទៅ​វិញទេ។​ លោក​ស្រី ចិន្តា បានមាន​ប្រសាសន៍​ថា“ ​ដំបូង ​អ្នក​រៀប​ចំ​កម្ម​វិធី​ បាន​ប្រាប់​ខ្ញុំ​ថាមាន​មនុស្ស​ចូលរួម​សិក្ខាសាលា​នេះ​តែ​​២០​នាក់​ប៉ុណ្ណោះ ​ ប៉ុន្តែ​នៅ​ពេល​ដែល​វេទិកា​ បានចាប់​ផ្តើម​ វា​បែ​រជា​មាន​មនុស្ស​​ច្រើនជាង​នេះ​​ទៅ​វិញ។សណ្ឋាគារ​របស់​ខ្ញុំ​មិន​មាន​អាហារ​គ្រប់​គ្រាន់​ សម្រាប់​អ្នកចូលរួម​ទាំង​នោះ​ទេ”។លោក​ស្រី​បាន​លើក​ឡើង​ថា “ សណ្ឋាគាររបស់​ខ្ញុំ​មិន​បាន​បិទសិក្ខា​សាលា​ទាំង​នេះ​ទេ។វា​ប្រហែល​ជា​អ្នក​រៀប​ចំ​សិក្ខា​សាលា​បិទ​ដោយ​ខ្លួន​ឯង​”។ ទោះ​ជា​ អ្នក​រៀប​ចំ​វេទិកាត្រូវ​បានគេ​ផ្តល់​​កន្លែង​ផ្សេងឲ្យរៀប​ចំ​សិក្ខា​សាលា​ចំនួន​បួន​នៅ​សណ្ឋាគារ​មួយ​ផ្សេង​ទៀត នៅក្នុង​​រាជ​ធានី​ភ្នំ​ពេញក៏ដោយ ក៏លោក​ស្រី ឃិនអូម៉ាអ្នក​សម្រប​សម្រួល​នៅ​អង្គការ​ Burma Partnership ដែល​មាន​គម្រោង​និយាយ​អំពី​ប្រទេស​ភូមា នៅក្នុង​សិក្ខា​សាលា​មួយ​ក្នុង​ចំណោម​សិក្ខា​សាលា​ដែល​គេ​បាន​រារាំង​នេះបាន​មាន​ប្រសាសន៍ថាអ្នក​រៀប​ចំកម្ម​វិធី​ បាន​សម្រេចមិន​ព្រម​ទទួល​យក​ជម្រើស​នេះទេ ពី​ព្រោះ​វា​មាន​ការ​លំបាកខ្លាំងពេក​ ក្នុង​ការ​ឲ្យ​អ្នក​មក​ចូល​រួម​ជា​ច្រើនផ្លាស់​ពី​សណ្ឋាគារ​​មួយ​ទៅ​សណ្ឋាគារ​មួយទៀត។ លោក​ស្រីអូម៉ាបាន​មាន​ប្រសាសន៍​បន្ត​ថា “ ហេតុផល​ផ្សេង​ទៀត​ ដែល​យើងសម្រេច​​ចិត្ត​មិនទៅ​កន្លែងថ្មី ​ពី​ព្រោះ​យើង​ចង់​ឲ្យ​មាន​​សាមគ្គី​ភាព​។យើង​ចង់​ពិភាក្សា​អំពី​បញ្ហា​ទាំង​អស់​នេះ ប៉ុន្តែ​ឥឡូវ​យើង​មិន​ត្រូវ​បាន​អនុញ្ញាតឲ្យ​ធ្វើ​ដូច្នោះ​ទេ”។ លោកអោមមិុចអាយុ​៤៨​ឆ្នាំដែល​ជា​ជន​ជាតិ​ភាគ​តិច​កួយ មក​ពី​ស្រុក​កំពង់​ស្វាយ​ខេត្ត​កំពង់​ធំ បាន​មាន​ប្រសាសន៍ថា គាត់​មាន​ការ​ខក​ចិត្ត​ចំពោះ​ការ​លុបចោល​សិក្ខា​សាលា​ស្តី​ពី​ការ​បណ្តេញ​ប្រជាជន​ចេញពី​ដី​​ ព្រោះ​​វា​ជា​បញ្ហា​មួយ​ប៉ះ​ពាល់​ទៅ​ដល់​សហគមន៍​ជន​ជាតិ​ភាគ​តិចនៅ​ទូ​ទាំង​ប្រទេស។ លោកមិុចបានបន្ត​ថា “ ខ្ញុំ​ពិត​ជាខក​ចិត្ត​ណាស់​ ពីព្រោះ​ខ្ញុំ​មិន​មែន​និយាយ​រឿង​នេះសម្រាប់​ខ្លួន​ខ្ញុំ​ទេ ប៉ុន្តែ​ខ្ញុំ​និយាយ​រឿង​នេះ​សម្រាប់​សហគមន៍​អាស៊ាន​ទាំង​មូល។ លោកធនសារាយប្រ​ធាន​អង្គការ​សិទ្ធិ​មនុស្ស​ អាដហុកបាន​រិះគន់ចំពោះ​​ការ​ដាក់​សម្ពាធ​លើ​វេទិកានិង​អ្នក​ចូល​រួម​វេទិកា។ លោកបាន​មាន​ប្រសាសន៍ថា “ ប្រទេស​របស់​យើងគឺ​ជា​ប្រទេស​លទ្ធិ​ប្រជា​ធិបតេយ្យ​ និង​គោរព​សិទ្ធិម​នុស្ស​។ ប្រ​​សិន​បើ​រដ្ឋា​ភិបាល​ធ្វើ​ដូច្នេះ ប្រ​ទេស​របស់​យើង​គ្រាន់​តែ​​ពាក់​ស្លាក​លទ្ធិ​ប្រជា​ធិបតេយ្យ ប៉ុន្តែ​យើង​មិន​បាន​ដើរ​តាម​លទ្ធិ​ប្រ​ជា​ធិបតេយ្យ​នោះ​ទេ”។ លោកផៃស៊ីផានអ្នក​នាំ​ពាក្យ​ទី​ស្តី​ការ​គណៈ​រដ្ឋមន្ត្រីបាន​មាន​ប្រសាសន៍ថាលោក​ “ មិនដឹង”ថាតើ​មន្ត្រី​រដ្ឋា​ភិបាល​...

សាក​សួរកម្មការិនីពីរនា​ក់​ អំពី​កា​រ​បា​ញ់ប្រហា​រ​កាល​ពីម្សិលមិញ

ព្រះរាជអាជ្ញា​អម​សាលា​ដំ​បូ​ង​ខេត្ត​​បា​ន​មានប្រសាសន៍ថា ​សាលា​ដំ​បូ​ង​ខេត្តស្វាយ​រៀង​​ កា​ល​ពី​​ម្សិល​មិញ​​បា​ន​​​សាក​សួរ​កម្មកា​រិនី​​រោង​ចក្រ​កា​ត​់​​ដេរ​ពីរ​នា​ក​់​ ​ចំណោម​​កម្មការិនី​​បី​នា​ក​់​​ ដែល​​ត្រូវ​បា​ន​​បាញ់​ប្រ​ហា​រ​​ អំឡុ​ង​កា​រ​​​តវ៉ា​មួយ​​នៅ​​តំប​ន់​សេដ្ឋ​ក​ិច្ច​ពិ​សេស​ ក្នុងក្រុង​បា​វិត​​​ កា​ល​ពីខែ​​កុម្ភៈ​។ នាងកែវនា ​អាយុ​​​១៨ឆ្នាំ​​ នាងប៊ុន​ចិន្តាអាយុ​​​​​២១ឆ្នាំ ​និងនាង ​នុត ​សុខន ​អាយុ​​២៣​​​ឆ្នាំ ​បា​ន​​ប្តឹង​លោក​​ ឈូកបណ្ឌិតអតីតអភិបា​ល​ក្រុ​ង​បាវិត​ ថាជា​ជន​​សង្ស័យ​តែ​ម្នាក់​គត់ទទួល​​​ខុសត្រូវ​​ក្នុង​កា​រ​បា​ញ់ប្រ​ហា​រ​​កា​ល​ពី​​ថ្ងៃ​ទី​​​២០​ខែ​​កុម្ភៈ​នៅ​តំបន់​សេដ្ឋ​ក​​ិច្ច​ពិ​សេស​ម៉ា​ន់​ហាត​តាន់​ ដោ​យ​​ទាមទារជំ​ងឺ​ចិត្ត​​ពី​​៤០.០០០​ដុល្លារ​​ ទៅ​​៥០.០០០​ដុល្លា​រ។ ​លោកហ៊ឹងប៊ុនជា ​ព្រះ​រាជ​អាជ្ញា​​អម​​សាលា​ដំបូង​ខេត្តកាលពីម្សិលមិញ ​​បា​ន​បដិ​សេធ​មិន​ធ្វើ​​អត្ថា​ធិប្បាយ​​អំ​ពី​លទ្ធ​ផល​​នៃ​កា​រ​សាក​សួរទេប៉ុន្តែ​បា​ន​​លើក​ឡើង​ថា​ នាងសុខន ​ធ្លាក់​ខ្លួន​ឈឺពេលកំពុង​សម្ភាស​នា​ង ​​ហើយ​ត្រូ​វ​បា​ន​​បញ្ជូន​​ទៅ​​​គ្លីនិក​ឯកជន។ លោកប៊ុ​នជា​ ​បា​ន​មា​ន​ប្រ​សាសន៍​បន្ថែម​ថា ​តុលា​​កា​រ​​នៅ​មិន​ទា​ន់​​ចេញ​ដី​កា​​​ចា​ប់​ខ្លួន​​លោក​...

អ្នកភូមិនៅ​​ខេត្ត​ព្រៃវែង ​តវ៉ា​​កា​រ​​ដំឡើង​ថ្លៃចរន្ត​អគ្គិសនីផ្គត់ផ្គង់ដោយ​ក្រុម​ហ៊ុន អេលីហ្សា ហួរ

ប្រជាពលរដ្ឋ​ជា​ង​​២០០គ្រួសារ​នៅក្នុង​ខេត្ត​ព្រៃ​​វែង​​ បា​ន​​​ប្រមូលផ្តុំ​គ្នា​​នៅ​ខាង​ក្រៅ​អធិការដ្ឋា​​​ន​​​នគរបា​ល​ស្រុកពារាំ​ង​ កា​ល​ពី​ថ្ងៃ​ពុធ​ ដើម្បី​តវា៉​ច​ំ​ពោះក្រុ​ម​ហ៊៊ុន​ផ្គត់ផ្គង់​ភ្លើង​អគ្គិសនី អេលីហ្សា ហួរ(Elisa Hour) និង​ក្រុម​ហ៊ុន​អគ្គិសនី​កម្ពុជា(EDC)ដែ​ល​សុទ្ធតែ​​​​មិន​ព្រម​​​បញ្ចុះ​​ថ្លៃអគ្គិសនី​ បើទោះ​ជា​ខ្លួន​​​បា​ន​​​សន្យា​កាល​​បី​​ខែ​​មុនហើយ​ក៏​ដោយ​​​។ អ្ន​ក​ភូម​ិ​បា​ននិ​យា​យ​កាលពី​ម្សិលមិញ​​ថា​ កា​ល​ពីក្នុ​ង​​ខែ​​មករា ​ក្រុ​ម​ហ៊ុនEDCដែល​ស្ថិត​នៅ​​ក្រោមការ​​គ្រប់​គ្រង​របស់​​រដ្ឋ​បា​ន​​សន្យា ​​ចំ​ពោះ​អ្នក​ភូមិ​ថា ​តម្លៃ​អ​គ្គិសនី​នឹង​បញ្ចុះ​​ពី​៣.០០០​រៀល​​ក្នុង​មួយ​គីឡូ​វ៉ាត់​ម៉ោង មក​ត្រឹម​១.៧០០រៀល​​វិញ។ ​ប៉ុន្តែ​តម្លៃ​នេះ​នៅ​តែ​មិនទាន់​ចុះ​ដដែ​ល​។ ឈ្មោះ ជឿ ចាយ ​ដែល​ស្ថិត​​​ក្នុង​ចំណោម​ អ្នក​តវ៉ា​ទាំង​នោះ​បា​ន​លើក​ឡើង​​ថា “តម្លៃ​នេះ​​ ​ខ្ពស់​ណាស់​​សម្រាប់​​យើង​"។ លោក ជឿ ចាយ បា​ន​​និយាយ​ថា ក្រុម​ហ៊ុន​ EDC ក៏បា​ន​សន្យា​​​ដែរ ​ថានឹងមានការ​​​ដំឡើងប​ណ្តាញអគ្គិសនី​បន្ថែម​​ ដើម្បី​​​​ឲ្យ​​លំនៅ​ដ្ឋាន​បន្ថែម​ទៀត​​អា​ច​​ភ្ជាប់​​បណ្តាញ​រប​ស់​រដ្ឋ​​​បាន​។ លោក​​ ជឿ ចាយ បា​ន​និយា​យថា ​លោក​ប្រមូល​​ស្នាម​​មេដៃ​បាន​​​ចំនួន​​៥០០​​ពី​អ្ន​ក​ភូមិ​​ ដើម​្បី​បញ្ជូន​ញត្តិ​មួយ​​​ទៅ​​ខុ​ទ្ទកាល័យ​​​ខេត្ត​ព្រវែង​នៅ​ថ្ងៃ​ច័ន្ទ​។ ប្រសិន​បើអ្នក​ភូមិ​មិន​ទទួល​បាន​កា​រ​​ឆ្លើយ​តប​ទេ​នោះ​ ញត្តិ​នេះ​នឹង​​ត្រូវ​បញ្ជូន​​ទៅ​សាលា​​ដំបូង​​ខេត្ត​តែ​ម្តង​។ ឈ្មោះ ស៊ុន សូ​នី ជា​អ្នក​តវា៉​ម្នាក់​ទៀតបា​ន​ន​ិ​យា​យ​ថា ​​​​“ការផ្គត់ផ្គង់​អគ្គិសនី​ឲ្យ​អ្ន​ក​ភូមិ​​​​​មិន​មែន​​ជា​រឿង​​លំបា​ក​ទេ ​​ប្រសិន​បើ​​ ចង់​​​​នោះ ​”។ លោកយ៉ាឫទ្ធី ​អ្នក​បចេ្ចក​ទេ​ស​នៅ​​EDC បា​ន​និយា​យ​ថា ​កា​រពន្យារពេល​​បញ្ចុះ​​តម្លៃ​អគ្គិសនី​នៅក្នុង​​តំ​បន់​នេះ​ គឺដោ​យ​សារ​​តែ​កា​រ​​ពង្រីក​ផ្លូវជាតិ​លេខ​៦ ដែ​លបាន​​​បង្អាក់​ដំណើរកា​រ​​​ដំឡើង​បណ្តាញ​អគ្គិសនី​ថ្មី​របស់​ក្រុម​ហ៊ុន។ លោក យ៉ា​បា​នមាន​ប្រសាសន៍ថា “​បើទោះជា​គម្រោង​របស់​រដ្ឋាភិបា​ល​​កំពុង​​បង្អាក់​កា​រ​ងារ​របស់​​យើ​ង​ក៏ដោយ ​ក៏៏​EDC​នៅតែ​​ធ្វើ​កា​រ​ងា​រ​បស់​ខ្លួន ​ដើម្បី​ផ្គត់ផ្គង់​​​ថាម​ព​ល​អគ្គិសនី​​​ឆាប់​ៗនេះ​ដែរ​”។ លោក យ៉ា​ ក៏បា​ន​ឲ្យ​ដឹង​ផងដែរ​ថា ​EDCនិង​ក្រុម​ហ៊ុន​ថ្មី​មួយ​ឈ្មោះ​ TLPC កំពុង​តែ​ដំឡើ​ងបណ្តាញ​​អគ្គិសនី​ក្នុង​បំណង​​បញ្ចុះ​តម្លៃ​អគ្គិសនី​សម្រាប់​អ្ន​ក​ភូមិ។ លោក ព្រៃ ឡេង ​ឪពុករបស់​ម្ចាស់​ក្រុម​ហ៊ុន​ អេលីហ្សា​ ហួរ​ បា​ន​និ​យា​យ​ថា ​ក្រុម​ហ៊ុន​មិន​អា​ច​បញ្ចុះ​តម្លៃ​អគ្គិសនី​បា​ន​ទេ ពីព្រោះ​តម្លៃ​ប្រេង​មា៉ស៊ូត​បច្ចុប្បន្ន​នេះ​​ថ្លៃ​ខ្លាំង​ណាស់​ គឺ​ដល់ទៅ​​១.៣២០ដុល្លារក្នុង​មួយ​តោន​ឯណោះ​៕ ប្រែសម្រួ​ល​ដោ​យ ​ចេវប៊ុននី​​​​​​​​​

សមាជិកគណបក្ស សម រង្ស៊ី ដើរ​ចេញ​ពី​សម័យប្រជុំ​ព្រឹទ្ធសភា ព្រោះខឹងមិនបានតំណែង

នៅក្នុង​សម័យប្រជុំ​លើក​ដំបូង​នៃ​អាណត្តិថ្មីរបស់ខ្លួនកាលពីម្សិលមិញ សមា​ជិកព្រឹទ្ធសភាគណបក្សសមរង្ស៊ីចំនួន​១១រូប ​បានដើរចេញជាការតវ៉ា បន្ទាប់​ពី​សមា​ជិកភាគ​ច្រើន​នៃ​គណបក្ស​ប្រជាជន​កម្ពុជាបាន​រារាំង​មិនឲ្យ​មាន​ការ​តែង​តាំង​​តួនាទីធំៗ​នៅក្នុង​គណៈកម្មការ​ ព្រឹទ្ធសភា​ទាំង​ប្រាំបួន។ លោកគង់គាំសមាជិកព្រឹទ្ធសភា​គណ​បក្ស​សមរង្ស៊ីបាន​ថ្លែង​នៅ​សន្និសីទ​កាសែតមួយធ្វើនៅខាងក្រៅព្រឹទ្ធ​សភាថា“ឥឡូវនេះប្រទេសកម្ពុជា ​ដូច​ប្រទេស​វៀតណាម ​និង​ប្រទេសលាវអ៊ីចឹងដែល​នៅ​ប្រទេស​ទាំង​ពីរ​នេះ​​​សភាត្រូវបាន​គ្រប់​គ្រង​ដោយ​គណ​បក្សតែមួយ។រដ្ឋសភានិង​ព្រឹទ្ធ​សភា​ត្រូវ​បានគ្រប់គ្រង​ដោយ​គណបក្សប្រជាជន​កម្ពុជា។គណបក្សមួយជាអ្នក​សម្រេចហើយ​គណ​​​បក្ស​​​មួយ​​​ទៀតជាអ្នកអនុវត្ត”។ លោកគង់គាំ​ បានមានប្រសាសន៍ថាគណ​​​​បក្សសមរង្ស៊ីបាន​ដាក់​បេក្ខជន​សម្រាប់​​តួ​​​នាទី​​​​អនុប្រធានប៉ុន្តែ​ត្រូវបាន​បដិសេធ​តួនាទីទាំង​នេះ​ដោយការ​បោះ​ឆ្នោត​​ដែល​ធ្វើ​ឲ្យ​មាន​ការ​​​​បែក​បាក់​គ្នា​នៅក្នុង​គណ​បក្ស។ លោកបាន​មាន​ប្រសាសន៍ថា“គណ​បក្ស​ប្រជាជន​កម្ពុជាបង្ហាញពីឆន្ទៈមិនល្អនៅ​ពេល​​​​គណ​បក្ស​នេះ​បោះ​ឆ្នោត​ជ្រើស​រើស​ប្រធាន​ព្រឹទ្ធសភាអនុ​ប្រធាន​ទីមួយនិង​អនុប្រធាន​​​ទីពីរចេញពី​គណ​បក្ស​របស់​ខ្លួនហើយ​លុប​ឈ្មោះ​បេក្ខជន​មកពី​គណបក្ស​ សមរង្ស៊ី។ទង្វើនេះបង្ហាញ​ឲ្យ​ឃើញ​​ថាពួកគេ​ចង់​គ្រប់​គ្រង​ស្ថាប័ន​​​នេះ​តែឯង។ពួកគេ​មិនអនុញ្ញាត​ឲ្យគណបក្ស​សមរង្ស៊ី​ចូលរួម​ក្នុងគណៈកម្មការ​ណា​មួយ​​ឡើយ”។ បើទោះជា​មានការ​ដើរ​ចេញ​បែប​នេះ​ក៏ដោយក៏កិច្ច​ប្រជុំ​កាលពីម្សិលមិញបាន​បន្តធ្វើ​ដោយ​គ្មាន​សមាជិក​គណបក្ស​សមរង្ស៊ីដែរ។ លោកជាជេដ្ឋសមា​ជិក​ព្រឹទ្ធ​សភាមកពី​គណ​បក្ស​ប្រជាជន​កម្ពុជា​បាន​មាន​ប្រសា​សន៍​​នៅក្នុង​​​កិច្ច​ប្រជុំនោះថា“ទោះជា​គណ​បក្ស​ សមរង្ស៊ីដើរចេញក៏ដោយក៏យើង​នៅមាន​​​សមា​​​ជិក​​​​​​គ្រប់​គ្រន់​សម្រាប់បោះឆ្នោតគាំទ្រដែរ។វាគ្មាន​​​បញ្ហាទេនៅពេល​​​សមាជិកមកពីគណបក្ស​ សមរង្ស៊ី ​​​ដើរ​​​ចេញនោះ”។ យោងតាមលោកសាយឈុំអនុ​ប្រធាន​ទីមួយ​ព្រឹទ្ធសភា​បាន​ឲ្យដឹងថាលោក ​ជាស៊ីមប្រធានព្រឹទ្ធសភាដែល​អវត្តមានពីកិច្ច​ប្រជុំ​នេះ​ ទើបតែបាន​ត្រឡប់​មក​ពី​ការពិនិត្យសុខភាព​នៅ​​ប្រទេស​សិង្ហបុរី។ លោកសាយឈុំបាន​មាន​ប្រសាសន៍​នៅ​​​ពេលបើកសម័យប្រជុំ​នេះ​ថា“ឋខ្ញុំដឹក​​​នាំ​សម័យ​​​​ប្រជុំនេះក្នុងនាម​ជា​ប្រធាននៃ​កិច្ច​ប្រជុំ​ ពី​​​ព្រោះ​សម្តេច​ប្រធាន​ព្រឹទ្ធ​សភា​អវត្តមាន”។ លោកបានមានប្រសាសន៍​បន្ថែមទៀត​​​ថា“ ​សម្តេច​ប្រធាន​ត្រូវ ធ្វើដំណើរទៅជួបវេជ្ជបណ្ឌិតជា​​​រៀង​​​រាល់​ប្រាំ​មួយ​ខែម្តង”។ មានការលើកឡើង​ពី​ការ​ព្រួយបារម្ភ​ក្នុង​​​រយៈពេល​មួយ​ឆ្នាំ​​មក​នេះអំពី​សុខភាព​របស់​លោកជាស៊ីមដែល​​មាន​អាយុ៧៩​​​ឆ្នាំ​​​​​​ទៅ​​​ហើយនោះហើយ​លោកខកខាន​​មិន​ បាន​ចូលរួម​ក្នុងកិច្ច​​​ប្រជុំ​សំខាន់ៗជាច្រើន។ លោកឧត្តមសេនីយ៍ឯកយឹមលាងមេ​​​បញ្ជាការ​កង​អង្គរក្ស​លោកជាស៊ីមបាន​មាន​​​​ប្រសា​សន៍​កាល​​​ពី​​​ម្សិលមិញថាការ​ធ្វើ​​​ដំណើរ​ទៅ​ប្រទេស​សិង្ហ​​​បុរីនោះគឺដើម្បី​ទៅ​ពិនិត្យ​សុខ​ភាព​តាមការ​គ្រោង​​​ទុកជា​​​ប្រចាំមិនមែនដោយសារ​លោកជាស៊ីម​មាន​ជំងឺធ្ងន់ធ្ងរ​​​នោះទេ៕ ប្រែសម្រួលដោយសោមសារុន​​

អ្នក​ភូមិ​ស្វែងរក​ជំនួយពី​ប្រ​ធានា​ធិបតី ហ៊ូ ជិនតាវ ​ឲ្យ​ជួយដោះស្រាយ​​ក្នុង​ជម្លោះ​ដីធ្លី​ខេត្ត​កោះកុង

ក្នុង​កិច្ចខិត​ខំ​ប្រឹង​ប្រែង ដើម្បី​រា​រាំងគម្រោង​ទេសចរណ៍​ទ្រង់​ទ្រាយ​ធំ​របស់​ក្រុមហ៊ុនចិនមិន​ឲ្យ​លេបត្របាក់​យក​លំនៅដ្ឋានរបស់ខ្លួន អ្នក​ភូមិ​នៅ​ខេត្តកោះកុង​ បាន​និយាយ​ថានឹងនាំគ្នា​ដាក់​ញត្តិជូន​ស្ថានទូត​ចិន​នៅ​ថ្ងៃ​នេះដោយ​អំពាវ​នាវ​សុំ​ឲ្យ​មាន​ការ​អន្តរាគមន៍​ ពី​សំណាក់​ប្រធានាធិបតីចិនហ៊ូជិនតាវ។ អ្នក​ស្រី​ ទិត្យ ថេន អាយុ​៥៤​ឆ្នាំ ជាតំណាង​អ្នក​ភូមិ​មកពី​ឃុំ​ព្រែក​ខ្សាច់ ស្រុកគិរី​សាគរខេត្តកោះ​កុង បាន​និយាយថា អ្នក​ភូមិមួយក្រុម​មាន​គ្នា​២០​នាក់គ្រោង​នឹង​នាំ​យក​​ញត្តិ​ ដែល​ផ្ដិត​មេដៃ​ ដោយ​ប្រ​ជា​ពលរដ្ឋ​ចំនួន៣៤៩នាក់​​ដាក់​ជូន​ស្ថាន​ទូត​ចិន​​ ក្នុង​រាជធានី​ភ្នំ​ពេញ ខណៈ​ពេល​លោក ហ៊ូ ជិនតាវ មក​បំពេញទស្សនកិច្ចប្រទេស​កម្ពុជា​ស្រប​ពេល​ជា​មួួយ​នឹង​កិច្ចប្រ​ជុំ​កំ​ពូល​អាស៊ាន​នៅ​សប្ដាហ៍​ក្រោយ​នេះ។ ដោយ​មាន​ការ​អនុញ្ញាត ពី​រដ្ឋាភិបាលតាំងពី​ឆ្នាំ២០០៨មក គម្រោង​ទេសចរណ៍​ទ្រង់ទ្រាយ​ធំរបស់​ចិន​ ដែល​គ្រប់​គ្រង​ដោយ​ ក្រុម​ហ៊ុនយូ ឌី ជី (UDG)​​​ បាន​និង​កំពុង​កាប់​ឆ្ការ​ព្រៃ​លើផ្ទៃ​ដី​ទំហំ៣៦.០០០​ហិកតា ​នៅតាម​ឆ្នេរ​សមុទ្រ​ខេត្ត​កោះ​កុង  ដើម្បីសាងសង់​តំបន់​ទេសចរណ៍​មួយ ដែល​មាន​សណ្ឋាគារទីលាន​វាយ​កូន​ហ្គុលហ្វ៍និង​អាកាស​យាន​ដ្ឋាន​ដែល​ត្រូវ​ចំណាយអស់ទឹក​ប្រាក់​ចំនួន​៣,៨ពាន់​​​លាន​​​ដុល្លារ​សហរដ្ឋអាមេរិក។ ប្រជាពលរដ្ឋ​ចំនួន​១.១០០​គ្រួសារ ​បាន​ចុះ​​​​កិច្ចសន្យាជាមួយ​ក្រុម​ហ៊ុន​ និង​ព្រម​​ទទួល​សំណង​ថ្លៃ​ដីជាទឹក​ប្រាក់​រាប់​ម៉ឺន​ដុល្លារ និងផ្ទះ​ឈើថ្មី ព្រមទាំងដី​សម្រាប់​ធ្វើ​ស្រែ​ចម្ការ ក្នុង​មួយ​គ្រួសារ​ចំនួនពីរ​ហិកតា ​​​នៅ​ទី​តាំង​ថ្មីចម្ងាយ​ប្រហែល​១៥​គីឡូម៉ែត្រ​ពី​មាត់​សមុទ្រ។ ទោះ​ជា​យា៉ងណា អ្នក​ភូមិ​ខ្លះ ​បាន​និយាយ​ថា ពួកគាត់​ត្រូវ​អាជ្ញាធរបង្ខិត​បង្ខំ​ឲ្យចាកចេញ​​ពីដី​របស់​ខ្លួន។ អ្នក​ស្រី​ ទិត្យថេនបាន​បន្ថែម​ថាអភិបាល​ស្រុកគិរី​សាគរ​បាន​បង្គាប់​ឲ្យ​ប្រជាពលរដ្ឋចំនួន​១៩៣​គ្រួសារ​  ដែល​បន្តរស់ នៅក្នុងសហ​គមន៍នោះ ឲ្យចាក​ចេញ​នៅត្រឹម​ថ្ងៃ​អង្គារនេះ បុ៉ន្តែគ្រួ​សារ​ទាំង​នោះ បានទាមទារ​មិនព្រម​ចាក​ចេញឡើយ។​ អ្នកស្រីនិយាយ​ថា​ "យើង​ចង់​ដាក់​​ញត្តិនិយាយ​អំពី​បញ្ហា​របស់អ្នក​​ភូមិដូច្នេះ​ នៅ​ពេលលោក ​​​​ មក​ដល់​ លោក​នឹង​ដឹងអំពីបញ្ហានេះហើយ​លោក​នឹងរក​ដំ​ណោះ​ស្រាយ​សមរម្យ​សម្រាប់​ពួក​យើង"។ អ្នក​ស្រី​បាន​និយាយ​ថា​ កាល​ពី​ខែ​មុនស្ថាន​​ទូត​ចិន​ បាន​ទាត់ចោល​ញត្តិរបស់ពួកគាត់ម្តងហើយ ប៉ុន្តែ​ពេល​នេះ អ្នក​ភូមិនឹង​ចាំ​មើល​ទាល់​តែ​ស្ថានទូត​ព្រមទទួល​ញតិ្តនេះ។ អ្នក​ស្រី​បាន​និយាយ​ថា “ប្រ​សិន​បើ​មិន​ទទួល​ទេ យើង​នឹង​បន្ត​ប្ដឹង នៅខាង។អ្នក​ស្រីបាន​បន្ដ​ថា ​គ្រួសារ​ទាំង​នោះ​នឹង ​ "ប្រ​ឆាំងរហូតដល់ស្លាប់ ប្រសិនបើ​ពួកគាត់​មិន​បាន​រស់​នៅ​កន្លែង​ចាស់​របស់​ពួកគាត់​ទេ​នោះ”។ លោកឆេងឆែអភិបាល​ស្រុកគិរី​សាគរ​បាន​មាន​ប្រ​សាសន៍​ថា  រឿង​នេះ​ហួស​ពីសមត្ថ​កិច្ច​របស់​លោក ក្នុង​ការ​សម្រេច​ចិត្ត​ថា​ តើ​គ្រួសារ​ទាំងនោះអាច​បន្តរស់នៅ​ក្នុង​ភូមិ​ចាស់​របស់​ពួកគាត់​ឬអត់​នោះ។ លោក​បាន​បន្ថែម​ថា​ វា​អា​ស្រ័យ​លើ​គណៈ​កម្មការ​អន្តរ​ក្រសួង ដែល​ទទួល​បន្ទុករកដំណោះ​ស្រាយ​ចំពោះការ​ផ្លាស់ទី​តាំង​ថ្មី​នេះ។ លោក​បាន​មាន​ប្រ​សាសន៍​ថា "ពួកគាត់​មិនអនុញ្ញាតឲ្យ​បន្ត​រស់​នៅ​ក្នុង​ទី​តាំង​ចាស់​នោះទៀត​ទេ"។​​​​ លោក​បាន​បញ្ជាក់​ថាប្រ​ជា​ពល​រដ្ឋ​ប្រហែល​២០០​គ្រួសារ​កំពុង​តែ​រស់​នៅ​នៅ​ទី​នោះ​នៅ​ឡើយ។​​"​នេះ​គឺជាគោល​ការណ៍​របស់​អន្តរ​ក្រសួង”។ លោកវ៉ាងចាវអ្នក​គ្រប់​គ្រង​ផ្នែក​ទំនាក់​​​​ទំនង​របស់ក្រុម​ហ៊ុនយូឌីជី ថ្លែង​ថាលោក​​​​មិន​អាច​ធ្វើ​អត្ថា​ធិប្បាយ​បាន​ទេ ហើយ​​​លោកក៏មិន​ដឹង​​​​​​​អំពី​​ញត្តិផ្ញើជូន​លោក ហ៊ូ ជិនតាវ ដែរ៕ (រាយការណ៍​បន្ថែម​ដោយ Simon Lewis )                   ប្រែ​សម្រួល​ដោយហមសុផាណ្ណា    

ម៉ូតូ​អម​ក្បួនប្រតិ​ភូ​អាស៊ាន​ ប៉ះ​​​រថយន្ត​បុរស​វ័យ​៧១​ឆ្នាំ

កាល​ពី​ថ្ងៃ​ពុធ​ បុរស​អាយុ​៧១​ឆ្នាំ​ម្នាក់​ត្រូវ​បាន​ឃាត់​ខ្លួន​មួយ​រយៈ​ពេលខ្លី​  បន្ទាប់​ពី​រថយន្ត​​​​របស់​គាត់​ប៉ះ​ទង្គិច​ជា​មួយ​ម៉ូតូ​កង​រាជ​អាវុធ​ហត្ថ ដែល​កំពុង​អម​ដំណើរ​គណៈ​ប្រតិ​ភូ​ថៃ​ មកចូល​រួម​កិច្ចប្រជុំ​អាស៊ាន។ ​លោក​ ខេង​ ទីតូ​ អ្នក​នាំ​ពាក្យ​កង​រាជ​អាវុធ​ហត្ថជាតិ​បាន​មាន​ប្រសាសន៍​ថា​ រថ​យន្ត​​​​​​​តូយ៉ូ​តា​រ៉េ​ហ្វ័រ ​របស់​លោក​ ឡាយកៃម៉ាន់​ បាន​បុក​​​​ម៉ូតូ​អម​ដំណើរ​គណៈ​ប្រតិភូ​នៅ​កាច់​ជ្រុង​ផ្លូវ​លេខ​៥១​ និង​ផ្លូវ​លេខ​១៤១​ក្នុង​ខណ្ឌ​ដូន​ពេញ។​ មិន​មាន​គណៈ​ប្រតិ​ភូ​ថៃ​ណា​ម្នាក់​​រង​របួស​ទេ ​ហើយ​សំណាង​ល្អ​ កង​រាជ​អាវុធហត្ថ ដែល​​បើកបរ​ម៉ូតូនោះ បាន​រួច​ផុត​ពី​គ្រោះ​ថ្នាក់​ដោយ​គាត់​បាន​លោត​ចេញ​ពី​ម៉ូតូ​របស់​គាត់​តែ​ប៉ុន្មាន​វិនាទី​ប៉ុណ្ណោះ ​មុន​ពេល​ប៉ះ​ទង្គិច​​ជា​មួយ​រថយន្ត​របស់​លោក​ កៃម៉ាន់។​ លោក​ ខេងទី​តូ​ បាន​និយាយ​អំ​ពី​បុរស​​នេះ​​​ថា​ "​បន្ទាប់​ពី​សាកសួរ​​រួច​...​គាត់​ត្រូវ​បាន​គេ​ដោះ​លែង​វិញ​ ដោយ​សារ​តែ​គាត់​មិន​មាន​បំណង​ធ្វើ​ឲ្យ​ប៉ះ​ទង្គិចទេ ​ហើយ​គាត់​ក៏​យល់​ព្រម​ចេញ​សង​ថ្លៃ​ជួស​ជុល​ម៉ូតូ​នោះ​ដែរ"។ ចរាចរណ៍នៅ​រាជ​ធានី​ភ្នំ​ពេញ​បាន​ចាប់​ផ្តើម​មាន​ការ​លំបាក​ ហើយពេល​​កិច្ច​ប្រជុំ​កំពូល​អាស៊ាន​ជិត​​ឈាន​ចូល​មកដល់​ ដោយ​មាន​មន្ត្រី​នគរ​បាល ព្រម​ទាំង​សមាជិកអង្គភាព​កង​អង្គរក្ស​របស់​លោក​នាយក​រដ្ឋ​មន្ត្រី ​ហ៊ុន​សែន​ ​រាប់​រយ​នាក់​ បិទ​ផ្លូវ​​​​សំខាន់ៗ​នៅក្នុង​រាជ​ធានី​ ដើម្បី​សម្រួល​ផ្លូវ​ឲ្យ​ឥ​ស្សរជន​សំខាន់ៗ​ដែល​កំពុង​ធ្វើ​ទស្សន​កិច្ច។​ អ្នក​បើកបរ​យានយន្ត​​ទាំង​ឡាយ​​ត្រូវ​បានផ្សព្វផ្សាយ​ប្រាប់​​អំពី​​ការ​កក​ស្ទះ​ចរាចរណ៍​ខ្លាំង​នៅ​​សប្តាហ៍ក្រោយនៅ​ជុំ​វិញ​​វិមាន​សន្តិ​ភាព​របស់​នាយក​រដ្ឋមន្ត្រី តាម​មហា​វិថី​សហព័ន្ធ​រុស្ស៊ី​ ដែល​ជា​កន្លែង​បើក​កិច្ច​ប្រជុំ​កំពូល​អាស៊ាននៅ​អង្គារ​ និង​ថ្ងៃ​ពុធ​ខាង​មុខ​នេះ។ ប្រែ​សម្រួល​ដោយ​ ហួង​ កុក​ទៀន

នៅ​រាជធានីភ្នំពេញ​ មាន​វេទិកាប្រជាពលរដ្ឋ​អាស៊ាន​ដល់ទៅ​ពីរ

​វេ​ទិ​កា​ប្រ​ជា​ពល​រដ្ឋ​​អាស៊ាន ​ដែល​​​សមា​ជិក​​​​អង្គ​ការ​សង្គម​ស៊ីវិល​​​​ជាង​១.៥០០​នាក់​​​​​បាន​​រៀបចំធ្វើ​​ឡើង​​ក្នុង​រាជធានី​ភ្នំពេញ​ កាលពី​ម្សិលមិញ​​ ដើម្បី​​ពិភាក្សា​​អំពី​បញ្ហា​បន្ទាន់​នានា​ ដូចជា​​​​បញ្ហា​​​​សិទ្ធិ​មនុស្ស ​ការ​ចាប់​យក​ដីធ្លី​ ភាព​ក្រី​ក្រ​ និង​អំពើ​ហិ​ង្សា​ក្នុង​គ្រួសារ​នោះ​ គ្មាន​ការ​ចូលរួម​ពីសំណាក់​​​មន្ត្រី​រដ្ឋា​ភិបាល​​ទេ​ហើយ​​និស្សិតលាវ ​​​​ក៏​មិន​​អាច​​ចូល​​រួម​ដែរ​​​​។ វេទិកា​រយ:ពេល​​បី​ថ្ងៃ​ ដែល​​​​​​ទាំង​កម្ពុជា ​​និង​​រដ្ឋា​ភិបាល​នៃ​ប្រទេស​ផ្សេងៗ​​ទៀត ​មិន​បាន​​ទទួល​ស្គាល់​ជា​ផ្លូវ​ការ​​​​នេះ​​ បាន​ប្រព្រឹត្ត​ទៅ​ដំណាល​គ្នា​​​នឹង​​ "វេទិ​កា​ប្រ​ជាពល​រដ្ឋ​​​អាស៊ាន​​"​រយ:ពេល​បី​ថ្ងៃ​​មួយ​​ផ្សេង​ទៀត​​នៅ​សាល​សន្និ​សីទ​ចតុ​មុខ​ ដែល​ត្រូវ​បាន​រៀប​ចំ​​ គាំទ្រ​និង​ចូល​រួមដោយ​មន្ត្រី​រដ្ឋា​ភិបាល​ជាន់​ខ្ពស់។ ការ​រៀបចំ​វេទិ​កា​​ប្រ​ជា​ពលរដ្ឋ​អាស៊ាន​ចំនួន​ពីរ​ក្នុង​ពេល​​ដំណាលគ្នា​នៅ​​រាជ​ធានី​ភ្នំ​ពេញ​​​ក្នុង​​សប្តាហ៍​នេះ​ ​ឆ្លុះ​បញ្ចាំង​ឲ្យ​ឃើញ​​ពី​ការ​បែក​បាក់គ្នា​​យ៉ាង​ខ្លាំង​រវាង​អង្គ​ការ​សង្គម​​ស៊ីវិល​​ក្នុង​តំបន់​ ដែល​ម្ខាង​​​​រិះ​គន់​រដ្ឋា​ភិបាល​របស់​​ខ្លួន​ ហើយ​ម្ខាង​ទៀត​​ជា​អង្គ​ការ​ទទួល​​បាន​ការ​ឧ​បត្ថ​ម្ភ​គាំទ្រ​ពី​រដ្ឋា​ភិ​បាល ​​ដូច​ដែល​យើង​បាន​ឃើញ​នៅក្នុង​សប្តាហ៍​នេះ​មុន​កិច្ច​ប្រ​ជុំ​កំពូល​អាស៊ានស្រាប់​។ អ្នក​ចូល​រួម​​វេទិកា​​​ដែល​មិន​ជាប់​ពាក់ព័ន្ធ​ជា​មួយ​​រដ្ឋាភិបាល​ និង​ដែល​​​មាន​ការ​ចូលរួម​ពី​​​​តំណាង​​អង្គការ​នានា​មក​​ពី​​ប្រទេស​កម្ពុជា​​ ហ្វីលីពីន ​សិង្ហ​បុរី ​ថៃនិង​ឥណ្ឌូណេស៊ី ​​កាលពី​ម្សិលមិញ​​នេះ​​ បាន​​លើក​ឡើង​អំ​ពី​ស្ថាន​ភាព​ដ៏​ធ្ងន់​ធ្ងរ​ដែល​ពល​ករ​ចំណាក​ស្រុក​កំពុងប្រ​ឈម​ និង​ការ​ចាប់​យក​ដីធ្លី​​​​គ្រប់​ទី​កន្លែង​ក្រោម​​ការ​អនុ​ញ្ញាត​របស់​​រដ្ឋា​ភិបាល ​​​​ដែល​បាន​​​ធ្វើ​ឲ្យ​ប៉ះពាល់​ដល់​​ប្រ​ជា​ពល​រដ្ឋ​ក្រី​ក្រ​នៅ​ក្នុង​​តំបន់​យា៉ងខ្លាំង​។ លោក Nathaniel Don E Marquez ​នាយក​ប្រ​តិ​បត្តិ​នៃ​សម្ព័ន្ធ​អង្គ​ការ​​ក្រៅ​រដ្ឋាភិបាល​អាស៊ាន ​ដើម្បី​កំណែ​ទម្រង់​កសិកម្ម​និង​​អភិ​វឌ្ឍន៍​ជនបទ​​ បាន​​មាន​ប្រ​សាសន៍​ថា “ដីធ្លី​មិន​មែន​គ្រាន់​តែ​ជា​ទំនិញ​សេដ្ឋ​កិច្ច​ទេ​។​វាជា​ប្រភព​សម្រាប់​ផ្គត់ផ្គង់​​​ជី​វភាព​រស់​នៅ ជា​​ប្រ​ភព​ថាម​ពល​ ​ហើយ​សម្រាប់​អ្នក​​​មាន​ដី​តិចតួច​​​និង​ជន​ជាតិ​ភាគ​តិចវិញ ​វាជា​ប្រ​ភព​​នៃ​អត្ត​សញ្ញាណ​វប្ប​ធម៌​របស់​ពួក​គេ”។ លោក Marquez បាន​​លើកជា​សំណួរ​​ថា “ហេតុ​អ្វី​បាន​ជា​ប្រទេស​នីមួយៗ​​​ផ្តល់​ដី​​យ៉ាង​ច្រើន​​ដល់​ជន​​បរទេស​ នៅ​ពេល​ដែល​​​គេ​ត្រូវ​​​ការ​វា​ជា​​​ចាំ​បាច់​ដើម្បី​​ផ្គត់ផ្គង់​ស្បៀង​អា​ហារ​សម្រាប់​ប្រទេសជាតិ​​ទាំង​មូល​​នោះ​​?” ​លោក​​បាន​គូសបញ្ជាក់​ថា រដ្ឋា​ភិ​បាល​នានា​នៅ​ក្នុង​តំបន់​ច្រើន​តែ​មាន​ការ​យល់​ឃើញ​អំពី​​​សារ:​សំខាន់​នៃ​ដី​ធ្លី​ ​​ខុសពី​ប្រ​ជា​ពល​រដ្ឋ​ដែល​រស់​នៅ​​លើ​ដី​នោះផ្ទាល់​។ ថ្លែង​នៅ​ក្រៅ​វេទិ​កា​នេះ ​លោក​ស្រី ​ធីតាឃិះ ​នាយិកាអង្គការ​សិទ្ធិ​មនុស្ស​​​​សីលការ​ ​​ ​បាន​​លើក​ឡើង​អំពី​បញ្ហា​ដ៏​សំខាន់​មួយ​នៅ​ក្នុង​​អាស៊ាន​ គឺ​​សេរី​ភាព​នៃ​ការ​​ជួប​ជុំ​​​ ដែល​លោក​​ស្រី​ជឿ​ថា ​​មិន​ត្រូវ​​បាន​យក​ទៅ​​ពិ​ភាក្សា​​​ឲ្យ​បាន​​ល្អិត​ល្អន់​ក្នុង​​​វេទិ​កា​ដំណាលគ្នា​នៅឯ​​​សាល​​សន្និសីទ​ចតុ​មុខ​​ កាល​ពី​ម្សិល​មិញ​ឡើយ។ លោកស្រីធីតាឃិះ ​បាន​មាន​​ប្រ​​សាស​ន៍​ថា​ "ខ្ញុំ​គិត​ថា ​​សិទ្ធិសេរីភាព​របស់​សង្គម​​ស៊ីវិល​ស្ថិត​នៅ​ក្នុង​ចំណោម​​​កត្តា​សំខាន់​ៗ​ដែល​អាស៊ាន​​ចាំបាច់​​តែ​​ធានា​ឲ្យ​​បាន។ ​ អាច​​​​​បញ្ចេញ​មតិ​ជា​សាធារណ: ដើម្បី​ឲ្យ​​គេដឹង​ពី​កង្វល់​របស់​យើង​ ដើម្បី​​ទទួល​​បាន​សេរី​ភាព​នៃ​ការ​​ជួប​ជុំ​​និង​សេរី​ភាពនៃ​ការ​​​​ទទួល​បាន​ព័ត៌​មាន"។ លោក​ស្រី​បាន​មាន​ប្រ​សាសន៍​អំពី​វេទិ​កា​ដំណាល​គ្នា​​ទាំង​ពីរ​នេះ​ថា "មិន​ចាំ​​បាច់​​​​បែង​​ចែក​​គ្នា​បែប​នេះ​ ហើយ​​ដាក់សម្ពាធ​​គ្រប់​ប្រ​ភេទ​​​មក​លើ​យើង​ ទាក់​ទិ​ន​នឹង​សេរី​ភាព​នៃ​ការ​ជួប​ជុំ ​និង​សេរី​ភាព​​នៃ​ការ​បញ្ចេញ​មតិ​​របស់​យើង​នោះទេ"។ វេទិ​កា​ដែល​លោក​ស្រី ​ធីតា ឃិះ និង​សមា​ជិក​អង្គ​ការ​សង្គម​ស៊ីវិល​​ឯក​រាជ្យ ចំនួន​១.៥០០នាក់​​​បាន​​ចូល​រួមនេះ​ ​គឺ​បាន​ប្រព្រឹត្ត​ទៅ​​នៅ​ឯ​សណ្ឋា​គារ ឡាក់គី ស្តារ ​ក្នុង​ខណ្ឌ​ទួលគោក។ លោក ផៃ ស៊ីផាន ​អ្នក​នាំ​ពាក្យ​ទីស្តី​ការ​គណ:​រដ្ឋ​មន្ត្រី​​​បា​​ន​​មាន​ប្រ​សាសន៍​​ថា ក្រុម​​ដែល​​បាន​រៀប​ចំ​វេទិកា​"ក្រៅ​ផ្លូវ​ការ" ​កាល​ពី​ម្សិលមិញ​នេះគ្មាន​​ឆន្ទ:​​​​​ចាប់​​ដៃ​គូ​​ជា​មួយ​អង្គ​ការ​ក្រៅ​រដ្ឋា​ភិបាល​ដែល​បាន​ចូល​រួម​ក្នុង​វេទិកា​ដែល​​រដ្ឋា​ភិបាល​ទទួល​ស្គាល់​​​ឡើយ។ លោក​បាន​មាន​ប្រ​សាស​ន៍​ទៀត​ថា "អ្វី​ដែល​​យើង​ត្រូវ​ធ្វើ​​ គឺ​​​ចូល​រួម​ជា​មួយ​​ក្រុម​ផ្លូវ​ការ។រី​ឯ​ក្រុម​​ក្រៅ​ផ្លូវ​ការវិញ​​ គឺ​អាច​ធ្វើ​​ដោយ​​ខ្លួន​ឯង​បាន​។ពួកគេ​ត្រូវ​តែ​បង្ហាញ​​ឲ្យ​ឃើញ​ថា ​​ខ្លួន​​ចង់​ធ្វើ​ការ​រួម​គ្នា​មុន​ពេល​រដ្ឋា​ភិបាល​​អាច​ចូល​រួម​​ជា​មួយ​ពួក​គេបាន"៕ ​ប្រែស​ម្រួល​ដោយតែមសុខុម​​​​  

១៥ឆ្នាំកន្លង នៅ​តែគ្មាន​យុត្តិធម​៌​​សម្រាប់ជនរង​គ្រោះ​​ក្នុង​ការ​​វាយ​​ប្រហារ​ដោយ​គ្រាប់​បែក

ក្នុង​ការដង្ហែក្បួនតវ៉ា នា​ពេល​ថ្ងៃ​កំពុង​​រះ​លោក ចន្ទី សុភី បាន​ចូលរួម​ជាមួយនឹ​ងសមាជិក​​​រាប់រយនាក់ ផ្សេងទៀត ​របស់​គណ​បក្ស​​ជាតិ​ខ្មែរ​ ដើម្បី​តវ៉ា​ប្រឆាំង​ទៅ​នឹង​ប្រព័ន្ធ​យុត្តធម៌ ដែលគេគិតថា គ្មាន​ប្រសិទ្ធ​ភាព។​ ក្រុម​បាតុករ ​ដង្ហែក្បួន​យ៉ាងវែង​តាមបណ្តោយ​​មហារវិធីព្រះសុធារស ព្រម​ទាំង​មាន​កាន់​បដាថា"បរាជ័យ​ប្រពន្ធ​យុត្តិធម៌​កម្មុយនីស្ត!" និង "យើងមិន​ទទួល​ស្គាល់​តុលា​ការ​​បច្ចុប្បន្ន​នេះ​ទេ!"។ ក្រុមបាតុករ​ ដែលភាគ​ច្រើន​ជា​ស្រ្តី មានចំនួនកាន់តែច្រើនឡើង នៅ​ពេល​​ទៅ​ដល់​មុចរដ្ឋសភា។ ប៉ុន្មាន​នាទី បន្ទាប់ពីម៉ោងប្រាំបីព្រឹក លោក​ ​សមរង្ស៊ីនៅពេលនោះជាប្រធាន​គណបក្ស​ជាតិខ្មែរ បានចាប់ផ្តើម​និយាយ អំពីអំពើ​ពុក​រលួយនៅ​ក្នុងប្រព័ន្ធតុលាការរបស់​កម្ពុជា។បន្ទាប់​មក​បាន​ប្រគល់​ក្បាល​មេក្រូ​ទៅឲ្យ​ក្រុម​បាតុករ​និយាយ​ម្នាក់ម្តងៗ ដោយរៀប​រាប់​អំពីការឈឺ​ចាប់​របស់គេ។ នៅក្នុងខ្សែវីដេអូ បង្ហាញរូបភាព​ក្រុម​​បាតុករ​ចូលរួម​ធ្វើបាតុកម្ម កាល​ពី​ថ្ងៃ​ទី​៣០ ខែ​មីនា ឆ្នាំ១៩៩៧ មាន​ស្ត្រី​វ័យ​កណ្តាល​ម្នាក់ចាប់ផ្តើម​បង្ហូរ​ទឹកភ្នែក នៅពេលគាត់​កំពុង​​មានប្រសាសន៍។ គាត់បានស្រែកថា"គេ​បង្ខំ​ឲ្យ​ខ្ញុំចេញ"។ នៅពេលនោះ ស្រាប់​តែមាន​ឮ​សំឡេង​​ផ្ទុះយ៉ាងខ្លាំង ហើយ​ខ្សែ​វីដេអូ​នោះ​ត្រូវ​បាន​ផ្អាក។ មក​ទល់​​ថ្ងៃនេះ គឺមានរយៈពេល១៥​ឆ្នាំ​ ប៉ុន្តែស្នូរគ្រាប់​បែកដំបូង និងបីគ្រាប់​ក្រោយ​ទៀត​ ដែល​បានគប់​ចូល​ទៅ​ក្នុង​ក្រុមបាតុករ ដោយ​ជនមិន ស្គាល់​មុខ នៅ​តែ​តាម​លង​លោក សុភី និង ជនរង​គ្រោះ​ផ្សេងទៀត។ លោកសុភី​ បានមានប្រសាសន៍ថា "ការ​ចងចំាអំពីហេតុការណ៍ដែលបានកើតឡើងគឺវានៅដិតជាប់នឹងភ្នែក និងក្នុងខួរក្បាល​របស់ខ្ញុំ។ពេលខ្ញុំបាន ​ឮ​សំឡេង​ផ្ទុះយ៉ាងខ្លាំងខ្ញុំតក់ស្លុតភ្លាមនិងភ័យខ្លាច​ខ្លាំងណាស់"។ បុរសចំនួន១៦នាក់ ស្រ្តី និងក្មេងៗ ជា​ច្រើន​នាក់ទៀតបានស្លាប់ និងជាង១០០​នាក់​ទៀតបានរងរបួសនៅនឹងក​ន្លែង​។ មនុស្ស​ជា​ច្រើន ​បានរងរបួស មានខ្លះដាច់ដៃ ខ្លះ​ដាច់​ជើង ក្នុង​ការវាយ​ប្រហារ​ដោយ​គ្រាប់បែក​នេះ អ្នកខ្លះនៅ មានរបួសរហូតមកដល់​សព្វ​ថ្ងៃ​នេះ។ លោក សុភី ដែលកាលនោះ ទើប​មាន​អាយុ​២០ឆ្នាំ បានរងរបួសដោយ​អំបែង​គ្រាប់បែក នៅត្រង់ពោះ ដៃ ភ្លៅ និងក ។ឥឡូវ​​គាត់​នៅតែមានរបួសធំៗ បី​កន្លែង​នៅ​លើ​ខ្លួនរបស់គាត់។ ប៉ុន្តែវា​នៅមានរឿង​អាក្រក់​ជាងអ្វី​​ ដែលគាត់​បានរង​របួស​ទៅ​ទៀត។ លោកបានបន្តថា "ប្អូនស្រី​របស់ខ្ញុំ អាយុ​១៣​ឆ្នាំម្នាក់ និង​បងប្អូនជីដូនមួយ​របស់​ខ្ញុំ​អាយុ២០ឆ្នាំម្នាក់ទៀត បានស្លាប់​ពេល​បញ្ជូន​ដល់មន្ទីរពេទ្យ​កាល់ម៉ែត្រ។ ខ្ញុំបាន​អំពាវ​ឲ្យ​ក្រសួង​មហាផ្ទៃ ចាប់ខ្លួន​ជន​សង្ស័យ​​ក្នុង​ការ​វាយប្រហារ និងដាក់ទោស​ពួកគេ​ឲ្យ​សម​តាមអ្វី​ដែលពួក​គេបានប្រព្រឹត្ត។ តើ​នរណា​សម្លាប់ប្អូនស្រីនិង​បង​ប្អូនជីដូនមួយ​របស់ខ្ញុំ"។ មកទល់នឹងថ្ងៃនេះ នៅមិនទាន់​មាន​នរណា​ម្នាក់​ទទួល​ខុលត្រូវ​ក្នុងការ​សម្លាប់​រង្គាល​​នេះ​ទេ។ តើមានអ្វីបានកើតឡើង ក្នុងពេល​ប៉ុន្មាន​ខែ ប៉ុន្មានឆ្នាំកន្លងមកនេះ បន្ទាប់​ពីការ​វាយ​ប្រហារ? គឺគ្មានទេ។ រដ្ឋាភិបាល​ពិតជា​បានបើក​ការ​ស៊ើប​អង្កេត​ជាផ្លូវ​ការ តែ​រហូតមកទល់​នឹងពេលនេះមិន​មានការចាប់ខ្លួន​ជនសង្ស័យ​ណា​ម្នាក់​ទេ។ ការិយាល័យស៊ើប​អង្កេតរបស់នគរបាល​សហព័ន្ធអាមេរិក​ ក៏​បានបើកការ​ស៊ើប​អង្កេត​​ផ្ទាល់ខ្លួន​ផងដែរ ប៉ុន្តែ​នៅតែទទួល​បាន​លទ្ធផល​​"មិនប្រាកដប្រជា"។ ក្នុងប្រទេស​បារាំង បណ្តឹង​ឧក្រិដ្ឋកម្ម​មួយត្រូវ​បាន​ធ្វើ​ឡើង​ ប៉ុន្តែបានលុបចោលវិញ។ ប៉ុន្តែ​ បើសម្លឹង​មើល​មធ្យោបាយ​ផ្សេង​ទៀត តាមរយៈ​សំណុំ​ឯកសារ​របស់​រដ្ឋា​ភិ​បាល​សហរដ្ឋ​អាមេរិក ដែល​កាសែត ខេមបូឌាដេលី ​ទទួលបាន ​គឺវា​ជារឿងផ្សេងទៅវិញ។ សំណុំ​ឯកសារ​ ដែលបាន​កត់ត្រា​ក្នុង​ឆ្នាំ​២០០៩​ បានបង្ហាញថា ភ្នាក់ងារ នគរបាល​សហព័ន្ធរបស់សហរដ្ឋអាមេរិក ក្រោយ​មក​បាន​លើក​ឡើងថា ការស៊ើប​អង្កេត របស់ FBI គឺ​ទទួល​រងនូវ​ការគាប​សង្កត់ពី​ កងកម្លាំង​សន្តិសុខ​របស់ គណបក្សប្រជាជន ហើយ​ការស៊ើប​អង្កេត​នេះត្រូវ​បានផ្អាក​ ដោយ​សារ​តែ​មាន​ការ​គំរាម​កំហែងផ្នែក​សន្តិសុខ។ ក្រុម​មន្ត្រី​បានរិះរកគ្រប់​មធ្យោបាយ ដើម្បី​រារាំង​ការ​ស៊ើប​​អង្កេតនេះ។ សាក្សី​បានឃើញអំពើ​ដ៏ឃោរឃៅនេះបានផ្តល់នូវភស្តុតាង​ដល់ភ្នាក់ងារFBIថាអ្នកគប់​គ្រាប់បែក បាន​រត់គេច​យ៉ាងលឿនតម្រង់ទៅកាន់មូលដ្ឋាន​យោធា​របស់​គណបក្ស​​ប្រជាជន ដែលមានទីតាំងនៅក្បែរវត្តបទុម​ ដោយ​មានការ​ជួយការពារពី​កងយោធា​​របស់​រដ្ឋាភិបាល​ ដើម្បីជួយបើកទ្វារឲ្យអ្នក​គប់គ្រាប់បែក​រត់ចូលទៅខាងក្នុង។ អ្នកស្រីពៅហេងអាយុ៦៥ឆ្នាំកាល​ពីម្សិលមិញ បានមាន​ប្រសាសន៍ថា “ទោះ​បី​ជា​វា​កន្លង​ហួស១៥ឆ្នាំ​ហើយក៏ដោយខ្ញុំ​នៅ​តែចង​ចំាអ្វីៗ​ទាំងអស់​ ដែលបាន​កើតឡើង​នៅក្នុងថ្ងៃនោះ" ។ វាបាន​ដក់ជាប់​ក្នុងអារម្មណ៍​របស់អ្នកស្រីពៅហេង។វាច្បាស់ណាស់​គឺ​គ្រាប់​បែក​ផ្ទុះ​នៅ​ម៉ោង៩ព្រឹក។គេទូរស័ព្ទ​មក​ប្រាប់​គាត់​ថាក្មួយស្រី​របស់​គាត់បានស្លាប់ និងកូន​របស់​គាត​់បាន​រងបួសក្នុងការ​វាយប្រហារ​ដោយ​គ្រាប់បែកនេះ។ អ្នកស្រីពៅហេងបា​ន​មាន​ប្រ​សាសន៍ថា​​ "នា​​ង​កំ​ពុង​ធ្វើ​បាតុកម្ម​​ដើម្បីទាម​ទា​រ​ឲ្យ​តម្លើង​ប្រាក់​ខែពីព្រោះ​ពួកគេ​គឺជា​កម្មក​រ​រោង​ចក្រ​កា​ត់​ដេរ ហើយ​ប្រាក់​ខែ​​របស់​ពួកគេ​ ទា​ប​ណា​ស់​  ​ហេតុ​ដូចនេះ នា​ង​បា​ន​​សម្រេច​ចិត្ត​ចូល​​រួម​ធ្វើ​បា​ត​ុ​កម្ម​នៅ​ក្នុង​​ថ្ងៃនោះ។កូន​ស្រី​ និ​ង​ក្មួយ​របស់​ខ្ញុំបា​ន​​ស្លាប់​​ដោយ​សារ​តែ​ចូលរួមធ្វើ​បាតុកម្មនៅ​ថ្ងៃនោះដើម្បី​ទាម​ទា​រសិទ្ធិសេរីភាពនិង​លទ្ធិប្រជា​ធិបតេយ្យ​”។ អ្នកស្រី​បា​ន​មា​ន​ប្រ​សាសន៍​បន្ត​ថា “​យើង​​ចង់​ឲ្យ​រដ្ឋាភិបា​ល​បន្តកា​រ​​ស៊ើប​អង្កេត​​។យើង​​ចង់​ដឹងថាអ្នកបោក​គ្រាប់​បែ​ក​នោះ​ មា​ន​មុខ​មា​ត​់​​យ៉ា​ង​ដូ​ច​ម្តេច”។ ប្រែ​សម្រួល​ដោយ​ ស៊ា​ ស៊ុយឈាង